- Башы джабылгъан челекге, кир тюшмез.
- Дуния малгъа сатылма, кесингден телиге къатылма.
- Адеб этмеген, адеб кёрмез.
- Ёзденликни джайгъан – джокълукъ.
- Эри аманны, къатыны – аман.
- Сескекли кесин билдирир.
- Кёлсюзден сёзсюз тууар.
- Билмейме деген – бир сёз
- Сибиртки да сыйлы болду, кюрек да кюнлю болду.
- Кёзюнде тереги болгъан, чёбю болгъаннга кюле эди.
- Эринчекге кюн узун.
- Миллетни бойну – базыкъ, аны бла кюрешген – джазыкъ.
- Ариу сёз – джаннга азыкъ, аман сёз – башха къазыкъ.
- Бет бетге къараса, бет да джерге къарар.
- Билмегенинги, билгеннге сор.
- Джаз бир кюнню джатсанг, къыш талай кюнню абынырса.
- Биреуге аманлыкъ этиб, кесинге игилик табмазса.
- Бастасын ашагъан, хантусун да ичер.
- Соргъан айыб тюлдю, билмеген айыбды.
- Аман эсирсе, юйюн ояр.
- Кирсизни – саны таза, халалны – къаны таза.
- Тил бла келеди джыр да.
- Накъырда – кертини келечиси.
- Билим насыб берир, билим джолну керир.
- Хантына кёре тузу, юйюне кёре къызы.
- Къаллай салам берсенг, аллай джууаб алырса.
- Ач къалгъандан, кеч къалгъан къолай.
- Кеси юйюмде мен да ханма.
- Къонакъ аз олтурур, кёб сынар.
- Ата – баланы уясы.
- Ата Джуртча джер болмаз, туугъан элча эл болмаз.
- Джети тилни билген джети кишиди.
- Бети – къучакълар, джюреги – бычакълар.
- Ургъан суудан башынгы сакъла.
- Тиширыусуз юй – отсуз от джагъа.
- Эки къатын алгъанны къулагъы тынгнгаймаз.
- Акъыл аздырмаз, билим тоздурмаз.
- Тёрде – темир таякълы, къаяда – чыпчыкъ аякълы.
- Ашаса, ашамаса да, бёрюню ауузу – къан.
- Иги адам абынса да, джангылмаз.
- Сютден ауузу кюйген, суугъа юфгюре эди.
- Ашлыкъ – бюртюкден, джюн – тюкден.
- Адеби болмагъан къыз – тузсуз хант.
- Уллу къазанда бишген эт, чий къалмаз.
- Малны кют, джерни тюрт.
- Акъыллы – эл иеси, тели – эл баласы.
- Хоншуну тауугъу къаз кёрюнюр, келини къыз кёрюнюр.
- Окъугъан – асыу, окъумагъан – джарсыу.
- Тойгъа алгъа да барма, тойда артха да къалма.
- Къартны сыйын кёрмеген, къартлыгъында сыйлы болмаз.