- Иши джокъну, сыйы джокъ.
- Биреуге кёлтюрген таягъынг, кесинги башынга урур.
- Юйлю уругъа ит чабмаз.
- Джарлыны эшигин махтагъан джабар.
- Эринчекни эр алмаз, эр алса да, кёл салмаз, кёл салса да, кёб бармаз!
- Тели турса – той бузар.
- Аман адамны тепсинге олтуртсанг, къызынгы тилер.
- Нарт сёз – тилни бети.
- Ёнгкюч къууана барыр, джылай келир.
- Джаш къарыу бла кючлю, къарт акъыл бла кючлю.
- Асхат ашлыкъ сата, юйдегиси ачдан къата.
- Намысы джокъну – дуниясы джокъ.
- Ата Джуртун танымагъан, атасын да танымаз.
- Ёксюзню къалачы уллу кёрюнюр.
- Нарт сёз къарт болмаз.
- Намысы болмагъанны, сыйы болмаз.
- Джигер – джаннга къыйынлыкъ.
- Тенги кёбню джау алмаз, акъылы кёбню дау алмаз.
- Намыс сатылыб алынмайды.
- Ёлген эшек бёрюден къоркъмайды.
- Чомартны къолун джокълукъ байлар.
- Чалманны аллы къалай башланса, арты да алай барады.
- Къумурсхала джыйылсала, пилни да джыгъадыла.
- Тешигини къатында, чычхан да батыр болур.
- Джетген къыз джерли эшекни танымаз.
- Айтылгъан сёз ызына къайтмаз.
- Алма терегинден кери кетмез.
- Къонагъы джокъну – шоху джокъ.
- Эр сокъур болсун, къатын тилсиз болсун.
- Ачны эсинде – аш.
- Аман адам элни бир-бирине джау этер.
- Адамны сабийин сюйген джюреги, бычакъча, джитиди.
- Адамны сыфатына къарама, сёзюне къара.
- Адам туугъан джеринде, ит тойгъан джеринде.
- Джюз элде джюз ёгюзюм болгъандан эсе, джюз джууугъум болсун.
- Байлыкъ адамны сокъур этер.
- Таукел адам тау тешер.
- Игини сыйлагъан адетди.
- Тойгъа барсанг, тоюб бар, эски тонунгу къоюб бар.
- Джырчы ёлсе, джыры къалыр.
- Насыб бютеу халкъны юлюшюдю.
- Эшекни не къадар тюйсенг да, ат болмаз.
- Кесинг сынамагъан затны, адамгъа буюрма.
- Ётюрюкден тюбю джокъ, кёлтюрюрге джиби джокъ.
- Уллу суу бла уллу ауруудан башынгы сакъла.
- Ичимден чыкъды хата, къайры барайым сата?
- Ашха уста, юйюнде болсун
- Сёз садакъдан кючлюдю.
- Чомарт къолда мал къалмаз.
- Ана – юйню кюн джарыгъы.