- Эл ауузу – элек, анга ийнаннган – халек.
- Иги – алгъыш этер, аман – къаргъыш этер.
- Урунуу – насыбны анасы.
- Адамны сабийин сюйген джюреги, бычакъча, джитиди.
- Джарлы эскисин джамаса, къууаныр.
- Иги сёз – джаннга азыкъ, аман сёз башха – къазыкъ.
- Билмезни кёзю кёрмез, этмезни къулагъы эшитмез.
- Ойнай билмеген, оюн бузар.
- Биреуню эскиси биреуге джангы болмайды.
- Тенгни тенглиги джашай барсанг билинир.
- Айырылмаз джууугъунга, унутмаз сёзню айтма.
- Уллу атлама – абынырса, уллу къабма – къарылырса.
- Айтхан сёзюне табылгъан.
- Кютгени беш эчки, сызгъыргъаны уа, джерни джарады.
- Иги адам абынса да, джангылмаз.
- Акъыл бла адеб эгизледиле.
- Кёб къычыргъандан – къоркъма, тынч олтургъандан – къоркъ.
- Акъыллы – эл иеси, тели – эл баласы.
- Бозанг болмагъан джерге, къалагъынгы сукъма.
- Мал кёб болса, джууукъ кёб болур.
- Чакъырылмагъан къонакъ – орунсуз.
- Урама да – ёледи, сатама да – келеди.
- Игилик игилик бла сингдирилиучю затды.
- Аурууну келиую тынч, кетиую – къыйын.
- Экеу тутушса, биреу джыгъылыр.
- Тилчи бир сагъатха айлыкъ хата этер.
- Ач да бол, токъ да бол – намысынга бек бол.
- Джашда акъыл джокъ, къартда къарыу джокъ.
- Киштикге къанат битсе, чыпчыкъ къалмаз эди.
- Суу ичген шауданынга тюкюрме.
- Акъыллы башны – тили къысха.
- Рысхысына кёре, джаш ёсер, къышлыгъына кёре, мал ёсер.
- Къайгъыны сюйген, къайгъы табар.
- Бал ашаргъа сюе эсенг, чибин ургъаннга тёз.
- Эки къатын алгъан – эки ташны ортасына башын салгъан.
- Игиге айтсанг – билир, аманнга айтсанг – кюлюр.
- Джырына кёре эжиую.
- Къазанда болса, чолпугъа чыгъар.
- Окъугъанны бети джарыкъ.
- Аш берме да, къаш бер.
- Элде адам къалмаса, ит тахтагъа минер.
- Арба аугъандан сора, джол кёргюзтюучю кёб болур.
- Къатын байлыкъны сюер, эр саулукъну сюер.
- Адам боллукъ, атламындан белгили болур.
- Ачылгъан эт джабылыр, кёрген кёз унутмаз.
- Тойгъанлыкъ къойгъа джарашады.
- Хаухну атма, ёнгкючню сатма.
- Уллу айтханны этмеген – уллаймаз.
- Термилгенинги табмазса, кюлгенинге тюберсе.
- Таукел тауну аудурур.