- Къаллай салам берсенг, аллай джууаб алырса.
- Хар сёзню орну барды.
- Ата Джуртча джер болмаз, туугъан элча эл болмаз.
- Уллу къазанда бишген эт, чий къалмаз.
- Бал чибинни ургъаны – ачы, балы – татлы.
- Кёлсюзден сёзсюз тууар.
- Къошда джокъгъа – юлюш джокъ.
- Ичимден чыкъды хата, къайры барайым сата?
- Артына баргъанны, къатына барма.
- Эки итни арасына сюек атма, эки адамны арасында сёз чыгъарма.
- Тамчы таш тешер.
- Ауругъан – джашаудан умутчу.
- Сакъ юйюне сау барыр.
- Юреннген ауруу къалмаз.
- Джюрек кёзден алгъа кёрюр.
- Берекет берсин деген джерде, берекет болур.
- Ата Джуртун танымагъан, атасын да танымаз.
- Хантына кёре тузу, юйюне кёре къызы.
- Къая джолда джортма, ачыкъ сёзден къоркъма.
- Уруну арты – къуру.
- Арыгъан къош чамчы болур.
- Татлы тилде – сёз ариу, чемер къолда – иш ариу.
- Баш – акъыл ючюн, акъылман – халкъ ючюн.
- Нарт сёз къарт болмаз.
- Экиндини кеч къылсанг, чабыб джетер ашхам.
- Тыш элде солтан болгъандан эсе, кесинги элде олтан болгъан игиди!
- Босагъа таш юйге кирмей эди, тыбыр таш эшикге чыкъмай эди.
- Чабар ат – джетген къыз.
- Къарт болгъан джерде, берекет болур, сабий болгъан джерде, оюн болур.
- Акъыллы айтыр эди, акъылсыз къоймайды.
- Ёлмесенг да, къарт дамы болмазса?
- Эринчекге кюн узун.
- Насыб бютеу халкъны юлюшюдю.
- Сабий кёргенин унутмаз.
- Ариу сёз – джаннга азыкъ, аман сёз – башха къазыкъ.
- Къонакъ аз олтурур, кёб сынар.
- Акъдан къара болмаз.
- Къартны бурнун сюрт да, оноугъа тут.
- Юйюнг бла джау болгъандан эсе, элинг бла джау бол.
- Эрни эр этерик да, къара джер этерик да, тиширыуду.
- Игиге айтсанг – билир, аманнга айтсанг – кюлюр.
- Ышармагъан – кюлмез, кюлмеген – къууанчны билмез.
- Ашарыкъда сайлагъаннга – чий гырджын.
- Къатын байлыкъны сюер, эр саулукъну сюер.
- Сёз – кюмюш, джыр – алтын.
- Кёб джашагъан – кёб билир.
- Кёзю сокъурдан – къоркъма, кёлю сокъурдан – къоркъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келинни – келгинчи, бёркню кийгинчи кёр.
- Тенги кёбню джау алмаз, акъылы кёбню дау алмаз.