- Ёлмесенг да, къарт дамы болмазса?
- Суу ичген шауданынга тюкюрме.
- Джюрек кёзден алгъа кёрюр.
- Бал – татлы, балдан да бала – татлы.
- Ана кёлю – балада, бала кёлю – талада.
- Айыбны суу бла джууалмазса.
- Ёлген эшек бёрюден къоркъмайды.
- Билмезни кёзю кёрмез, этмезни къулагъы эшитмез.
- Къулакъдан эсе, кёзге ышан.
- Ариу сёз аурууунгу алыр.
- Джиби бир къат джетмей эди да, эки къат тарта эди.
- Эрни эр этерик да, къара джер этерик да, тиширыуду.
- Адамны сыфатына къарама, сёзюне къара.
- Ата – билек, ана – джюрек!
- Къоркъакъны кёзю экили кёрюр.
- Суу кетер, таш къалыр.
- Къан бла кирген, джан бла чыгъар.
- Минг тенг да азды, бир джау да кёбдю.
- Юйюнгден чыкъдынг – кюнюнгден чыкъдынг.
- Ушамагъан – джукъмаз.
- Байны къызы баймакъ болса да, юйде къалмаз!
- Ишни ахырын ойламай, аллын башлама.
- Окъ къызбайны джокълайды.
- Игини сыйлагъан адетди.
- Бойнуму джети джерден кессенг да, мен ол ишни этеллик тюлме.
- Тёгюлген тюгел джыйылмайды.
- Айраннга суу къош, телиге джол бош.
- Кёбден умут этиб, аздан къуру къалма.
- Ариу сёз джыланны орнундан чыгъарыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Кирсизни – саны таза, халалны – къаны таза.
- Къартха ушагъан джаш – акъыллы, джашха ушагъан къарт – тели.
- Ётюрюкден тюбю джокъ, кёлтюрюрге джиби джокъ.
- Ашхы тенг джолгъа салыр, аман тенг джолдан тайдырыр.
- Ёксюзню къалачы уллу кёрюнюр.
- Сакъ юйюне сау барыр.
- Намыс болмагъан джерде, насыб болмаз.
- Ашхы сёз таш тешер.
- Азыгъы аз, алгъа къабар, аты аман, алгъа чабар.
- Биреуге аманлыкъны тилеме да, кесинге ашхылыкъны тиле.
- Сакъалы текени да бар, мыйыгъы киштикни да бар.
- Арпа, будай – ащды, алтын, кюмюш а – ташды.
- Къозулугъунда тоймагъан, къойлугъунда тоймаз.
- Къарнынг тойгъунчу аша да, белинг талгъынчы ишле.
- Акъылсызны джууукъгъа алма, акъыллыны кенгнге салма.
- Ашхылыкъ джерде джатмайды, аманлыкъ суугъа батмайды.
- Билими азны – ауузунда кирит.
- Тюз сёз баргъан сууну тыяр.
- Уллу суу бла уллу ауруудан башынгы сакъла.
- Ана къойну – балагъа джандет.