Эльбрусоид :: Эльбрусоид

Босагъагъа джууукъ орун болса, ашыгъыб тёрге озма.
Айраннга суу къош, телиге джол бош.
Кёзюнде тереги болгъан, чёбю болгъаннга кюле эди.
Башда акъыл болмаса, эки аякъгъа кюч джетер.
Таугъа чыгъаллыкъ эсенг, тюзде къалма.
Къатын байлыкъны сюер, эр саулукъну сюер.
Ойнай билмеген, уруб къачар.
Нафысынгы айтханын этме, намысынгы айтханын эт.
Иесиз малны бёрю ашар.
Кёпюр салгъан кеси ётер, уру къазгъан кеси кетер.
Билгенни къолу къарны джандырыр.
Экиндини кеч къылсанг, чабыб джетер ашхам.
Эллинг бла джау болсанг да, юйюнг бла джау болма.
Суугъа – чабакъ, къаягъа – ыргъакъ.
Аман адамны тепсинге олтуртсанг, къызынгы тилер.
Гитче джилтин уллу элни джандырыр.
Эки къатын алгъан – эки ташны ортасына башын салгъан.
Ишге юренсин къоллары, халкъ бла болсун джоллары.
Къарны аманнга къазан такъдырма, къолу аманнга от джакъдырма.
Къанны къан бла джуума, аманны аман бла къуума.
Эринчекни эр алмаз, эр алса да, кёл салмаз, кёл салса да, кёб бармаз!
Нёгер болсанг, тенг бол, тенг болмасанг, кенг бол.
Атлыны кёрсе, джаяуну буту талыр.
Билим ат болуб да чабар, къуш болуб да учар.
Джаным-тиним – окъуу, билим.
Ашына кёре табагъы, балына кёре къалагъы.
Тас болгъан бычакъны сабы – алтын.
Джумушакъ сёз къаты таякъны сындырыр.
Акъыллы эркиши атын махтар, акъылсыз эркиши къатынын махтар.
Иги болса, тамадама – махтау, аман болса, меннге – айыб.
Терек ауса, отунчу – кёб.
Узун джолну барсанг, бюгюн келирсе, къысха джолну барсанг, тамбла келирсе.
Нарт сёз – тилни бети.
Айыбны суу бла джууалмазса.
Чомарт къонакъ юй иесин сыйлар.
Тилде сюек болмаса да, сюек сындырыр.
Сабийни джумушха джибер да, ызындан бар.
Этим кетсе да, сюегим къалыр.
Чабакъсыз кёлге къармакъ салгъанлыкъгъа, чабакъ тутмазса.
Тик ёргени, тик энгишгеси да болады.
Тиширыусуз юй – отсуз от джагъа.
Итли къонакъ джарашмаз.
Ауузу аманнга «иги», деме.
Аз сёлешген, къайгъысыз турур.
Гырджын – тепсини тамадасы.
Асхат ашлыкъ сата, юйдегиси ачдан къата.
Уллу сёлешме да, уллу къаб.
Хантына кёре тузу, юйюне кёре къызы.
Къыйынлы джети элге оноу этер.
Танг атмайма десе да, кюн къоярыкъ тюйюлдю.