- Кюн кёрмеген, кюн кёрсе, кюндюз чыракъ джандырыр.
- Ёзденликни кёбю ётюрюк.
- Халкъгъа джарагъан, джарлы къалмаз.
- Арба аугъандан сора, джол кёргюзтюучю кёб болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джолунга кёре – джюрюшюнг, джагъанга кёре – юлюшюнг.
- Чомартны къолун джокълукъ байлар.
- Билеги кючлю, бирни джыгъар, билими кючлю, мингни джыгъар.
- Окъумагъан сокъурду, сокъур ташха абыныр!
- Къууут – джелге, берне – бошха.
- Къанны къан бла джуума, аманны аман бла къуума.
- Арпа, будай – ащды, алтын, кюмюш а – ташды.
- Акъыллы эркиши атын махтар, акъылсыз эркиши къатынын махтар.
- Чарсда алчыны эл кёреди.
- Игини сыйлагъан адетди.
- Чомартны къолу берекет.
- Бастасын ашагъан, хантусун да ичер.
- Ханы къызы буюгъа-буюгъа киштик болду.
- Къатын къылыкъсыз, эр тынчлыкъсыз.
- Сакъалы текени да бар, мыйыгъы киштикни да бар.
- Чомарт джарлы болмаз.
- Адеб базарда сатылмаз.
- Насыб бютеу халкъны юлюшюдю.
- Ата джурт – алтын бешик.
- Эки къатын алгъанны къулагъы тынгнгаймаз.
- Уллу къашыкъ эрин джыртар.
- Кёрмегеннге кебек – танг, битмегеннге сакъал – танг.
- Накъырданы арты керти болур.
- Эркишиге тары кебек танг кёрюнюр.
- Хоншуну тауугъу къаз кёрюнюр, келини къыз кёрюнюр.
- Джангыз торгъай джырламаз.
- Биреуню тёрюнден, кесинги эшик артынг игиди.
- Хар ишни да аллы къыйынды.
- Билимсиз иш бармаз.
- Ёнгкюч къууана барыр, джылай келир.
- Биреуню эскиси биреуге джангы болмайды.
- Чабар ат – джетген къыз.
- Итли къонакъ джарашмаз.
- Адебни адебсизден юрен.
- Къыз келсе, джумуш эте келеди, къатын келсе, ушакъ эте келеди.
- Рысхысына кёре, джаш ёсер, къышлыгъына кёре, мал ёсер.
- Къарын къуру болса, джюрек уру болур.
- Тюзлюк тас болмайды.
- Къыз чыгъаргъан – къызыл къымжа.
- Аш берме да, къаш бер.
- Окъугъан – асыу, окъумагъан – джарсыу.
- Ачлыкъда тары гырджын халыуадан татлы.
- Тиширыусуз юй – отсуз от джагъа.
- Байдан умут эте, джарлыдан ёгюз багъасы къорады.
- Ата Джуртча джер болмаз, туугъан элча эл болмаз.