- Арба аугъандан сора, джол кёргюзтюучю кёб болур.
- Билимли ёлмез, билимсиз кёрмез.
- Онгсузну – джакъла, тенгликни – сакъла.
- Азыгъы аз, алгъа къабар, аты аман, алгъа чабар.
- Къазанны башы ачыкъ болса, итге уят керекди.
- Элиб деген, элге болушур.
- Уллу сёзде уят джокъ.
- Элге къуллукъ этмеген, элге ие болмаз.
- Уллу атлама – абынырса, уллу къабма – къарылырса.
- Тюз сёз баргъан сууну тыяр.
- Биреу ашаб къутулур, биреу джалаб тутулур.
- Ариу сёз – къылычдан джити.
- Эркишиге тары кебек танг кёрюнюр.
- Джангызны оту джарыкъ джанмаз!
- Игини сыйлагъан адетди.
- Аджашханны ызындагъы кёреди, джангылгъанны джанындагъы биледи.
- Тойгъан антын унутур.
- Эрни эр этерик да, къара джер этерик да, тиширыуду.
- Кийимни бичсенг, кенг бич, тар этген къыйын тюлдю.
- Къар – келтирди, суу – элтди.
- Аллахдан тилесенг, кёб тиле.
- Къарнынг бла ёч алма.
- Ач къалгъандан, кеч къалгъан къолай.
- Ёлюк кебинсиз къалмаз.
- Адамны аты башхача, акъылы да башхады.
- Тура эдим джата, къайдан чыкъды хата?
- Тойгъан джерге джети къайт.
- Тик ёргени, тик энгишгеси да болады.
- Эл элде бирер малынг болгъандан эсе, бирер тенгинг болсун.
- Ашха уста, юйюнде болсун
- Ёлген аслан – сау чычхан.
- Зар адам ашынгы ашар, кесинги сатар.
- Ишни ахырын ойламай, аллын башлама.
- Иги адам абынса да, джангылмаз.
- Бети – къучакълар, джюреги – бычакълар.
- Уруну арты – къуру.
- Билим къая тешер.
- Джуртун къоругъан озар.
- Аманны эки битли тону болур, бирин сеннге кийдирир, бирин кеси киер.
- Къайгъыны сюйген, къайгъы табар.
- Намыс сатылыб алынмайды.
- Къыз тиширыу кеси юйюнде да къонакъды.
- Тёрде – темир таякълы, къаяда – чыпчыкъ аякълы.
- Къобан да къуру да къобханлай турмайды, адам да къуру да патчахлай турмайды.
- Душманны тышы – акъ, ичи – къара.
- Эл тойса, тоймагъан, эл къойса, къоймагъан.
- Къарнынг къанлынга кийирир.
- Бети къызарыучу адамны, джюреги харам болмаз.
- Суу да къайтады чыкъгъан джерине.
- Атадан ёксюз – бир ёксюз, анадан ёксюз – эки ёксюз.