Эльбрусоид :: Эльбрусоид

Атлыны кёрсе, джаяуну буту талыр.
Къарны аманнга къазан такъдырма, къолу аманнга от джакъдырма.
Джаз бир кюнню джатсанг, къыш талай кюнню абынырса.
Ауругъан – джашаудан умутчу.
Адеб джокъда, намыс джокъ.
Нёгерсизни джолу узун.
Айырылмаз джууугъунга, унутмаз сёзню айтма.
Тойну къарнашы – харс, джырны къарнашы – эжиу.
Мал ёлсе, сюек къалыр, адам ёлсе, иши къалыр.
Къарт айтханны этмеген, къартаймаз.
Эл ауузу – элия.
Къонакъ болсанг, ийнакъ бол.
Нарт сёз – тилни бети.
Къыз тиширыу кеси юйюнде да къонакъды.
Тойгъан антын унутур.
Элни кючю – эмеген.
Адеби болмагъан къыз – тузсуз хант.
Сёлеш деб шай берген, тохта деб, сом берген.
Бет бетге къараса, бет да джерге къарар.
Джогъун бар этген, барын бал этген.
Бир абыннган – минг сюрюнюр.
Ат басханны джер билед.
Аууз сакълагъан – джан сакълар.
Иги бла джюрюсенг, джетерсе муратынга, аман бла джюрюсенг, къалырса уятха.
Кюн кёрмеген, кюн кёрсе, кюндюз чыракъ джандырыр.
Суу кетер, таш къалыр.
Къазанда болса, чолпугъа чыгъар.
Бюгюн дуния кибик, тамбла ахыратды.
Ариуну – ауруу кёб.
Джан саулукъ бермей, сан саулукъ бермезсе.
Аз сёлеш, кёб ишле.
Рысхысына кёре, джаш ёсер, къышлыгъына кёре, мал ёсер.
Акъылсызны джууукъгъа алма, акъыллыны кенгнге салма.
Кёб джашагъан – кёб билир.
Биреуге аманлыкъ этиб, кесинге игилик табмазса.
Джаралыны джастыгъында сау ёлюр.
Азыкъ аз болса, эртде орун сал.
Дуния малгъа сатылма, кесингден телиге къатылма.
Чабар ат – джетген къыз.
Сёз садакъдан кючлюдю.
Сабий кёргенин унутмаз.
Сагъыш – къартлыкъгъа сюйюмчю.
Ач да бол, токъ да бол – намысынга бек бол.
Кёб ант этген, кёб ётюрюк айтыр.
Джыйырма къойну юч джыйырма эбзе кюте эди.
Кёбден умут этиб, аздан къуру къалма.
Адамны артындан къара сабан сюрме.
Тас болгъан бычакъны сабы – алтын.
Ышармагъан – кюлмез, кюлмеген – къууанчны билмез.
Кёкдеги болмаса, джердегин кёрмейди.