Эльбрусоид :: Эльбрусоид

Бек анасы джыламаз.
Ач къарынны, токъ билмез
Ач уят къоймаз.
Кийимни бир кюнню аясанг, минг кюннге джарар.
Къыйынлы джети элге оноу этер.
Аджашхан тёгерек айланыр.
Билмегенинги, билгеннге сор.
Сакъ юйюне сау барыр.
Суу кетер, таш къалыр.
Огъурлуну сёзю – суу, огъурсузну сёзю – уу.
Окъдан джара эртде-кеч болса да бителир, сёз джара, ёмюрге къалыр.
Ашыкъгъанны этеги бутуна чырмалыр.
Къазанны башы ачыкъ болса, итге уят керекди.
Мухардан ач ычхынмаз.
Акъдан къара болмаз.
Ишленмеклик адамлыкъды.
Джарлы джети элни сёзюн этер.
Биреуню къыйынлыгъы бла кесинге джол ишлеме.
Ёксюзню тилеги къабыл болур.
Ачлыкъда тары гырджын халыуадан татлы.
Келинин тута билмеген, къул этер, къызын тута билмеген, тул этер.
Эки ойлашыб, бир сёлешген.
Акъыллы – эл иеси, тели – эл баласы.
Ачны эсинде – аш.
Таякъ этден ётер, тил сюекден ётер.
Шекер бла туз – бир болмаз, ушамагъан – юй болмаз.
Къатын байлыкъны сюер, эр саулукъну сюер.
Аш хазыр болса, иш харам болур.
Адамны адамлыгъы къыйынлыкъда айгъакъланады.
Татлы тилде – сёз ариу, чемер къолда – иш ариу.
Биреуню эскиси биреуге джангы болмайды.
Адам боллукъ, атламындан белгили болур.
Иши джокъну, сыйы джокъ.
Хансыз джомакъ болмаз.
Таукел тауну аудурур.
Джырына кёре эжиую.
Таукелге нюр джауар.
Къайтырыкъ эшигинги, къаты уруб чыкъма.
Биреуге аманлыкъ этиб, кесинге игилик табмазса.
Накъырданы арты керти болур.
Ишлегенден, къарагъан уста.
Къызгъанчдан ычхыныр, мухардан ычхынмаз.
Кёрмегеннге кебек – танг, битмегеннге сакъал – танг.
Билим насыб берир, билим джолну керир.
От этилмеген джерден тютюн чыкъмайды.
Тамырсыз терекге таянма – джыгъылырса.
Дуния аламаты сен эсенг да, игиме деб айтма.
Ёлген аслан – сау чычхан.
Эшекге миннген – биринчи айыб, андан джыгъылгъан – экинчи айыб.
Телиге от эт десенг, юйюнге от салыр.