- Адам сёзге тынгыла, акъыл сёзню ангыла.
- Къонакъ аман болса, къонакъбай джунчур
- Ётюрюкчюню шагъаты – къатында.
- Аджалсыз ёлюм болмаз.
- Болджал ишни бёрю ашар.
- Къонагъынгы артмагъын алма да, алгъышын ал.
- Юй кюйдю да, кюйюз чыкъды, ортасындан тюйюш чыкъды.
- Махтаннган къыз, тойда джукълар.
- Къарт айтханны этмеген, къартаймаз.
- Акъыллы айтыр эди, акъылсыз къоймайды.
- Акъылсызны джууукъгъа алма, акъыллыны кенгнге салма.
- Эки элинги тыйсанг, джети элде махталырса.
- Бюгюн дуния кибик, тамбла ахыратды.
- Ашын ашагъанынгы, башын да сыйла.
- Таугъа чыгъаллыкъ эсенг, тюзде къалма.
- Тюз сёз баргъан сууну тыяр.
- Сыфатында болмагъаны, суратында болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Уллу къашыкъ эрин джыртар.
- Чакъырылгъанны аты, чакъырылмагъанны багъасы болур.
- Джиби бир къат джетмей эди да, эки къат тарта эди.
- Тойгъа барсанг, тоюб бар, эски тонунгу къоюб бар.
- Хантына кёре тузу, юйюне кёре къызы.
- Къозулугъунда тоймагъан, къойлугъунда тоймаз.
- Тюзлюк тас болмайды.
- Олтуруб кёрюнмей эди да, ёрге туруб кёрюне эди.
- Дууулдаса – бал чибин, къонса – къара чибин.
- Нафысынгы айтханын этме, намысынгы айтханын эт.
- Ач – эснер, ат – кишнер.
- Билмезни кёзю кёрмез, этмезни къулагъы эшитмез.
- От этилмеген джерден тютюн чыкъмайды.
- Джетген къыз джерли эшекни танымаз.
- Ашхы адам – халкъ байлыгъы, ашхы джер – джашау байлыгъы.
- Тешигини къатында, чычхан да батыр болур.
- Кёзню ачылгъаны – иги, ауузну джабылгъаны – иги.
- Тамбла алтындан бюгюн багъыр ашхы.
- Башы джабылгъан челекге, кир тюшмез.
- Ишни ахырын ойламай, аллын башлама.
- Байлыкъ тауусулур, билим тауусулмаз.
- Ауругъанны сау билмез, ач къарынны токъ билмез.
- Айтханы чапыракъдан ётмеген.
- Ата Джуртуму башы болмасам да, босагъасында ташы болайым.
- Аякъларынгы джууургъанынга кёре узат.
- Чакъырылмагъан къонакъ тёрге атламаз.
- Чабакъ башындан чирийди.
- Айранын берсенг, челегин да къызгъанма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кенгеш болса, уруш болмаз.
- Джолда аягъынга сакъ бол, ушакъда тилинге сакъ бол.
- Окъдан джара эртде-кеч болса да бителир, сёз джара, ёмюрге къалыр.