- Юреннген ауруу къалмаз.
- Бёрю да ач къалмасын, эчки да ашалмасын.
- Адам сёзге тынгыла, акъыл сёзню ангыла.
- Адам сёзюнден белгили.
- Адам къыйынлыгъын кёлтюрюр, зауукълугъун кёлтюрмез.
- Тёрдеги кюлсе, эшикдеги ышарыр.
- Адам туугъан джеринде, ит тойгъан джеринде.
- Телиге акъыл салгъандан эсе, ёлгеннге джан салырса.
- Тас болгъан бычакъны сабы – алтын.
- Тенги кёбню джау алмаз, акъылы кёбню дау алмаз.
- Иги адамны бир сёзю эки болмаз.
- Ашыкъгъанны этеги бутуна чырмалыр.
- Ойнай билмеген, оюн бузар.
- Дуния малгъа сатылма, кесингден телиге къатылма.
- Аманны эки битли тону болур, бирин сеннге кийдирир, бирин кеси киер.
- Дженгил джетерикме деб, узун джолну къоюб, къысхасын барма.
- Таукел адам тау тешер.
- Бек ашыкъгъан меннге джетсин, дегенди аракъы.
- Адебсиз адам – джюгенсиз ат.
- Ишлегенден, къарагъан уста.
- Ётюрюкден тюбю джокъ, кёлтюрюрге джиби джокъ.
- Аз сёлешген, къайгъысыз турур.
- Адамгъа аман кюн соруб келмейди.
- Керти сёзге тёре джокъ.
- Къозулугъунда тоймагъан, къойлугъунда тоймаз.
- Джетген къыз джерли эшекни танымаз.
- Ач отунчуну ачыуу – бурнунда.
- Чабакъсыз кёлге къармакъ салгъанлыкъгъа, чабакъ тутмазса.
- Кесинг сынамагъан затны, адамгъа буюрма.
- Бюгюн дуния кибик, тамбла ахыратды.
- Аякъларынгы джууургъанынга кёре узат.
- Къарын къуру болса, джюрек уру болур.
- Иги – алгъыш этер, аман – къаргъыш этер.
- Ётюрюк хапар аякъ тюбю бла джюрюйдю.
- Кёл – къызбай, къол – батыр.
- Телини эшигин, махтау джабар.
- Келинин тута билмеген, къул этер, къызын тута билмеген, тул этер.
- Ач – эснер, ат – кишнер.
- Джарлыны эшигин махтагъан джабар.
- Къатыны харакетли болса, эри къымсыз болур.
- Юй ишлеген балта эшикде къалыр.
- Дуния аламаты сен эсенг да, игиме деб айтма.
- Нарт сёз къарт болмаз.
- Мухарны эси – ашарыкъда.
- Ачылгъан эт джабылыр, кёрген кёз унутмаз.
- Кийимни бичсенг, кенг бич, тар этген къыйын тюлдю.
- Тойну къарнашы – харс, джырны къарнашы – эжиу.
- Аман адам этегингден тутса, кес да къач.
- Хатерли къул болур.
- Суугъа – чабакъ, къаягъа – ыргъакъ.