- Бир онгсуз адам адет чыгъарды, деб эштирик тюлсе.
- Бет бетге къараса, бет да джерге къарар.
- «Ма», - дегенни билмесенг, «бер», - дегенни билмезсе.
- Къазанчы аман болса, къазаны къайнамаз.
- Тилчи бир сагъатха айлыкъ хата этер.
- Таула не мийик болсала да, аууш табылыр.
- Адамны сабийин сюйген джюреги, бычакъча, джитиди.
- Насыблы элин сюер, насыбсыз кесин сюер.
- Бёрю да ач къалмасын, эчки да ашалмасын.
- Къыз чыгъаргъан – къызыл къымжа.
- Джашны джигитлиги сорулур, къызны джигерлиги сорулур.
- Экеу тутушса, биреу джыгъылыр.
- Орундукъ тюбюнде атылсам да, орта джиликме, де да айлан.
- Эркишини аманы тиширыуну джылатыр.
- Ёзденликни джайгъан – джокълукъ.
- Терек ауса, отунчу – кёб.
- Тенги кёбню джау алмаз, акъылы кёбню дау алмаз.
- Аманнга игилик этсенг, юйюнге сау бармазса.
- Байма, деб да, къууанма, джарлыма, деб да, джылама.
- Олтуруб кёрюнмей эди да, ёрге туруб кёрюне эди.
- Аш берме да, къаш бер.
- Джангыз торгъай джырламаз.
- Сормай – алма, чакъырылмай – барма.
- Иши джокъну, сыйы джокъ.
- Чакъырылгъанны аты, чакъырылмагъанны багъасы болур.
- Этни да ашады, бетни да ашады.
- Ауругъанны сау билмез, ач къарынны токъ билмез.
- Кечеси – аяз, кюню – къыш, джарлы къаргъагъа бир аш тюш!
- Махтаннган къыз, тойда джукълар.
- Тик ёргени, тик энгишгеси да болады.
- Иги сёз – джаннга азыкъ, аман сёз башха – къазыкъ.
- Билими азны – ауузунда кирит.
- Эли джокъну – кёлю джокъ.
- Ариу джол аджал келтирмез.
- Бир абыннган – минг сюрюнюр.
- Ашхы – джыяр, аман – джояр.
- Тёзгеннге, джабылгъан эшик ачылыр.
- Эллинг бла джау болсанг да, юйюнг бла джау болма.
- Уруну арты – къуру.
- Адамны бетине къарама, адетине къара.
- Тилде сюек болмаса да, сюек сындырыр.
- Бек анасы джыламаз.
- Биреуню тёрюнден, кесинги эшик артынг игиди.
- Эл бла кёргенинг эрелей.
- Ашхы тенг джолгъа салыр, аман тенг джолдан тайдырыр.
- Къатын къылыкъсыз, эр тынчлыкъсыз.
- Сагъышы джокъ – джукъучу, акъылы джокъ – къаугъачы.
- Нарт сёз къарт болмаз.
- Джигер – джаннга къыйынлыкъ.
- Юреннген ауруу къалмаз.