Эльбрусоид :: Эльбрусоид

Садакъачыны джаны – къапчыгъында.
Нёгер болсанг, тенг бол, тенг болмасанг, кенг бол.
Къарыусузгъа кюлме, онгсузгъа тийме.
Эли джокъну – кёлю джокъ.
Джаханимни кёрмей, джандетге кёл салмазса.
Ашлыкъ – бюртюкден, джюн – тюкден.
Тили узунну, намысы – къысха.
Уллу къашыкъ эрин джыртар.
Къайгъы тюбю – тенгиз.
Къарт айтханны этмеген, къартаймаз.
Адеб этмеген, адеб кёрмез.
Аууз сакълагъан – джан сакълар.
Эки элинги тыйсанг, джети элде махталырса.
Сютден ауузу кюйген, суугъа юфгюре эди.
Таукел къуру къалмаз.
Къошда джокъгъа – юлюш джокъ.
Эл ауузу – элек, анга ийнаннган – халек.
Билмейме деген – бир сёз
Булут кёкге джарашыу, уят бетге джарашыу.
Сакъалы текени да бар, мыйыгъы киштикни да бар.
Ариу сёз – джаннга азыкъ, аман сёз – башха къазыкъ.
Ёлген ийнек сютлю болур.
Къазанда болса, чолпугъа чыгъар.
Бет бетге къараса, бет да джерге къарар.
Чомартха хар кюн да байрамды.
Къонагъы джокъну – шоху джокъ.
Азыгъы аз, алгъа къабар, аты аман, алгъа чабар.
Ётген ёмюр – акъгъан суу.
Айтхан сёзюне табылгъан.
Кёрмегеннге кебек – танг, битмегеннге сакъал – танг.
Джылыгъа джылан илешир.
Ишге юренсин къоллары, халкъ бла болсун джоллары.
«Ёгюз, джаргъа джууукъ барма, меннге джюк боллукъса», - дегенди эшек.
Иесиз малны бёрю ашар.
Биреуню тёрюнден, кесинги эшик артынг игиди.
Агъач халкъгъа алтынды, иссиликге салкъынды.
Къарын къуру болса, джюрек уру болур.
Уллу айтханны этмеген – уллаймаз.
Тулпарлыкъ, билекден тюл – джюрекден.
Дженгил джетерикме деб, узун джолну къоюб, къысхасын барма.
Къарт болгъан джерде, берекет болур, сабий болгъан джерде, оюн болур.
Киштикге къанат битсе, чыпчыкъ къалмаз эди.
Джюрекге ариу – кёзге да ариу.
Гыдай эчки суугъа къараб, мюйюзле кёрмесе, джашма алкъын, дегенди.
Босагъа таш юйге кирмей эди, тыбыр таш эшикге чыкъмай эди.
Миллетни бойну – базыкъ, аны бла кюрешген – джазыкъ.
Минг тенг да азды, бир джау да кёбдю.
Ётюрюк хапар аякъ тюбю бла джюрюйдю.
Нарт сёз – тилни бети.
Аурууну келиую тынч, кетиую – къыйын.