- Нарт сёз – тилни бети.
- Кийим тукъум сордурур.
- Этни бети бла шорпасы.
- Юй ишлеген балта эшикде къалыр.
- Башы джабылгъан челекге, кир тюшмез.
- Тынгылагъан тынгы бузар.
- Чёбню кёлтюрсенг, тюбюнден сёз чыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Аманны тукъумуна къарама, игини тукъумун сорма.
- Хунаны тюбюн къазсанг, юсюнге ауар.
- Таугъа чыгъаллыкъ эсенг, тюзде къалма.
- Сабий кёргенин унутмаз.
- Таукелге нюр джауар.
- Сибиртки да сыйлы болду, кюрек да кюнлю болду.
- Ёмюрлюк шохлукъну джел элтмез.
- Ётюрюкден тюбю джокъ, кёлтюрюрге джиби джокъ.
- Акъыллы эркиши атын махтар, акъылсыз эркиши къатынын махтар.
- Билеги кючлю, бирни джыгъар, билими кючлю, мингни джыгъар.
- Адам къыйынлыгъын кёлтюрюр, зауукълугъун кёлтюрмез.
- Тил – миллетни джаны.
- Окъуу – билимни ачхычы, окъуу – дунияны бачхычы.
- Къыз тиширыу кеси юйюнде да къонакъды.
- Адамны сабийин сюйген джюреги, бычакъча, джитиди.
- Юреннген ауруу къалмаз.
- Ач къарынны, токъ билмез
- Къарын къуру болса, джюрек уру болур.
- Башланнган иш битер, къымылдагъан тиш тюшер.
- Тилде сюек болмаса да, сюек сындырыр.
- Акъыл бла адеб эгизледиле.
- Ойнаб айтсанг да, эслеб айт.
- Киштикге къанат битсе, чыпчыкъ къалмаз эди.
- Джаным-тиним – окъуу, билим.
- Джыланны къуйругъундан басарынг келсе, аны башы болгъанын унутма.
- Ашхы – джыяр, аман – джояр.
- Къонакъ аман болса, къонакъбай джунчур
- Ёлген ийнек сютлю болур.
- Ачны эсинде – аш.
- Къайгъы тюбю – тенгиз.
- Джумушакъ сёз къаты таякъны сындырыр.
- Берекет берсин деген джерде, берекет болур.
- Джашынгы кесинг юретмесенг, джашау юретир.
- Ана къолу ачытмаз.
- Къызны минг тилер, бир алыр.
- Къайгъыны сюйген, къайгъы табар.
- Юй кюйдю да, кюйюз чыкъды, ортасындан тюйюш чыкъды.
- Магъанасыз сёз – тауушсуз сыбызгъы.
- Акъыллы айтыр эди, акъылсыз къоймайды.
- Атынг аманнга чыкъгъандан эсе, джанынг тамагъынгдан чыкъсын.
- Ашхы адам – халкъ байлыгъы, ашхы джер – джашау байлыгъы.
- Чомартны къолун джокълукъ байлар.