Эльбрусоид :: Эльбрусоид

Сютню башын джалагъан къутулур, тюбюн ичген тутулур.
Къалгъан ишге къар джауар.
Биреуню эскиси биреуге джангы болмайды.
Ёксюзню къалачы уллу кёрюнюр.
Арбаз къынгырды да, ийнек сауалмайма.
Эл бла кёргенинг эрелей.
Къартны сыйын кёрмеген, къартлыгъында сыйлы болмаз.
Билмегенинги, билгеннге сор.
Айтхан – тынч, этген – къыйын.
Билимли ёлмез, билимсиз кёрмез.
Джумушакъ сёз къаты таякъны сындырыр.
Ач – эснер, ат – кишнер.
Иесиз малны бёрю ашар.
Сабий болмагъан джерде, мёлек болмаз.
Къызын тута билмеген, тул этер, джашын тута билмеген, къул этер.
Хата – гитчеден.
Сютден ауузу кюйген, суугъа юфгюре эди.
Босагъа таш юйге кирмей эди, тыбыр таш эшикге чыкъмай эди.
Сангырау къулакъ эл бузар.
Джангыз торгъай джырламаз.
Акъыл бла адеб эгизледиле.
Кютгени беш эчки, сызгъыргъаны уа, джерни джарады.
Къыйынлы джети элни къайгъысын этер.
Адеб базарда сатылмаз.
Эри аманны, къатыны – аман.
Кёл – къызбай, къол – батыр.
Ачыкъ джюрекге джол – ачыкъ.
Олтуруб кёрюнмей эди да, ёрге туруб кёрюне эди.
Сыфатында болмагъаны, суратында болмаз.
Тамырсыз терекге таянма – джыгъылырса.
Сагъышы джокъ – джукъучу, акъылы джокъ – къаугъачы.
Джеринден айырылгъан – джети джылар, джуртундан айырылгъан – ёлгюнчю джылар.
Къазанда болса, чолпугъа чыгъар.
Экеулен сёлеше тура эселе, орталарына барыб кирме.
Джарлы эскисин джамаса, къууаныр.
Хазыр ашха – терен къашыкъ.
Алгъанда – джууукъ, бергенде – джау.
Таукел адам тау тешер.
Эки элинги тыйсанг, джети элде махталырса.
Ханнга да келеди хариблик.
Бермеген къол, алмайды.
Тура эдим джата, къайдан чыкъды хата?
Аманны къуугъан, аманлыкъ табар.
Эл элде бирер малынг болгъандан эсе, бирер тенгинг болсун.
Иги – алгъыш этер, аман – къаргъыш этер.
Аз айтсам, кёб ангылагъыз.
Окъугъан – асыу, окъумагъан – джарсыу.
Ата – билек, ана – джюрек!
Ауурну тюбю бла, дженгилни башы бла джюрюген.
Иги джашны ышаны – аз сёлешиб, кёб тынгылар.