- Юре билмеген ит, къонакъ келтирир.
- Кёзден кетген, кёлден да кетеди.
- Адамны джюреги нени кёрюрге сюйсе, кёзю да аны кёрюрге ёч болады.
- Ёзденликни джайгъан – джокълукъ.
- Къарнынг ауруса, ауузунгу тый
- Аш кетер да бет къалыр.
- Джогъун бар этген, барын бал этген.
- Аман хансны – урлугъу кёб.
- Эки ойлашыб, бир сёлешген.
- Иги – алгъыш этер, аман – къаргъыш этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Айныгъанлы алты кюн, тогъайгъанлы тогъуз кюн.
- Аз айтсам, кёб ангылагъыз.
- Джашлыкъ этмеген, башлыкъ этмез.
- Тилчи бир сагъатха айлыкъ хата этер.
- Гырджын – тепсини тамадасы.
- Ариу – кёзге, акъыл – джюрекге.
- Къонакъ хазыр болгъанлыкъгъа, къонакъбай хазыр тюлдю.
- Къонакъны къачан кетерин сорма, къачан келлигин сор.
- Байны оноуу, джарлыгъа джарамаз.
- Этни бети бла шорпасы.
- Ач бёрюге мекям джокъ.
- Керилген да, ургъан кибикди.
- Къанны къан бла джуума, аманны аман бла къуума.
- Кимни – тили, тиши онглу, кимни – къолу, иши онглу.
- Ётюрюкню къуйругъу – бир тутум.
- Ата Джуртун танымагъан, атасын да танымаз.
- Адамны артындан къара сабан сюрме.
- Мухардан ач ычхынмаз.
- Бети бедерден, намыс сакълама.
- Эки элинги тыйсанг, джети элде махталырса.
- Арбаз сайлама да, хоншу сайла.
- Рысхы джалгъанды: келген да этер, кетген да этер.
- Итли къонакъ джарашмаз.
- Окъугъан озар, окъумагъан тозар.
- Сескекли кесин билдирир.
- Къоркъакъны кёзю экили кёрюр.
- Сангырау къулакъ эл бузар.
- Чыбыкълыкъда бюгюлмеген, къазыкълыкъда бюгюлмей эди.
- Намыс сатылыб алынмайды.
- Атлыны ашхысы, ат тизгининден билинир
- Булут кёкге джарашыу, уят бетге джарашыу.
- Айырылмаз джууугъунга, унутмаз сёзню айтма.
- Ачлыкъ отха секиртир.
- Агъач – джерни чырайы, кийим – эрни чырайы.
- Адеб базарда сатылмаз.
- Тёрде – темир таякълы, къаяда – чыпчыкъ аякълы.
- Таякъ этден ётер, тил сюекден ётер.
- Ётюрюкден тюбю джокъ, кёлтюрюрге джиби джокъ.
- Акъыл къартда, джашда тюйюлдю – башдады.