Эльбрусоид :: Эльбрусоид

Олтуруб кёрюнмей эди да, ёрге туруб кёрюне эди.
Адамны аманы адамны бети бла ойнар.
Чыкълы кюнде чыкъмагъан, чыкъса къуру кирмеген.
Кёзю сокъурдан – къоркъма, кёлю сокъурдан – къоркъ.
Телини эшигин, махтау джабар.
Кюн кёрмеген, кюн кёрсе, кюндюз чыракъ джандырыр.
Эл тойса, тоймагъан, эл къойса, къоймагъан.
Ауругъанны сау билмез, ач къарынны токъ билмез.
Атынг аманнга чыкъгъандан эсе, джанынг тамагъынгдан чыкъсын.
Босагъа таш юйге кирмей эди, тыбыр таш эшикге чыкъмай эди.
Джогъун бар этген, барын бал этген.
Джерни букъусу кёкге къонмаз.
Къарыусузгъа кюлме, онгсузгъа тийме.
Адам къыйынлыгъын кёлтюрюр, зауукълугъун кёлтюрмез.
Хата – гитчеден.
Ашлыкъ – бюртюкден, джюн – тюкден.
Къайгъыны сюйген, къайгъы табар.
Ашыкъгъанны этеги бутуна чырмалыр.
Ашын ашагъанынгы, башын да сыйла.
Тюкюрюк баш джармаз, налат кёз чыгъармаз!
Джарашыу сюйген – джалынчакъ.
Эли джокъну – кёлю джокъ.
Тёгюлген тюгел джыйылмайды.
Киштикге къанат битсе, чыпчыкъ къалмаз эди.
Адам бла мюлк юлешмеген эсенг, ол адамны билиб бошагъанма, деб кесинги алдама.
Танг атмайма десе да, кюн къоярыкъ тюйюлдю.
Садакъачыны джаны – къапчыгъында.
Узун джолну барсанг, бюгюн келирсе, къысха джолну барсанг, тамбла келирсе.
Айырылмаз джууугъунга, унутмаз сёзню айтма.
Бек ашыкъгъан меннге джетсин, дегенди аракъы.
Тойгъа алгъа да барма, тойда артха да къалма.
Эри аманны, къатыны – аман.
Чабар ат – джетген къыз.
Аджалсыз ёлюм болмаз.
Иги джашны ышаны – аз сёлешиб, кёб тынгылар.
Ана къолу ачытмаз.
Илму – джашауну джолу.
Тойгъан антын унутур.
Урама да – ёледи, сатама да – келеди.
Джумушакъ сёз къаты таякъны сындырыр.
Окъугъан – асыу, окъумагъан – джарсыу.
Джылыгъа джылан илешир.
Къатын байлыкъны сюер, эр саулукъну сюер.
Ашына кёре табагъы, балына кёре къалагъы.
Кёлсюзден сёзсюз тууар.
Тау башында, тау болмаз, джангыз терек, бау болмаз.
Бетинги сатма, малынгы сат.
Ашхы адам – халкъ байлыгъы, ашхы джер – джашау байлыгъы.
Рысхы – насыбха къор.
Кютгени беш эчки, сызгъыргъаны уа, джерни джарады.