Эльбрусоид :: Эльбрусоид

Адамны сыфатына къарама, сёзюне къара.
Игини сыйлагъан адетди.
Билимли ёлмез, билимсиз кёрмез.
Адамны адамлыгъы къыйынлыкъда айгъакъланады.
Мураты болгъанны джюрек тебюую башхады.
Ашына кёре табагъы, балына кёре къалагъы.
Тынгылагъан тынгы бузар.
Таукелге нюр джауар.
Биреуню тёрюнден, кесинги эшик артынг игиди.
Эл ауузу – элек, анга ийнаннган – халек.
Сескекли кесин билдирир.
Аманны къуугъан, аманлыкъ табар.
Кийим тукъум сордурур.
Арбаз сайлама да, хоншу сайла.
Эрни эр этерик да, къара джер этерик да, тиширыуду.
Эр абынмай, эл танымаз.
Кёб къычыргъандан – къоркъма, тынч олтургъандан – къоркъ.
Кёпюр салгъан кеси ётер, уру къазгъан кеси кетер.
Кёкдеги болмаса, джердегин кёрмейди.
Юреннген ауруу къалмаз.
Къошда джокъгъа – юлюш джокъ.
Ашыкъгъанны этеги бутуна чырмалыр.
Ана – юйню кюн джарыгъы.
Аман хансны – урлугъу кёб.
Уллу суу бла уллу ауруудан башынгы сакъла.
Тёрени джагъы джокъ.
Садакъачыны джаны – къапчыгъында.
Адам къыйынлыгъын кёлтюрюр, зауукълугъун кёлтюрмез.
Къатын байлыкъны сюер, эр саулукъну сюер.
Джашны джигитлиги сорулур, къызны джигерлиги сорулур.
Керилген да, ургъан кибикди.
Ургъан суудан башынгы сакъла.
Туз, гырджын аша, тюзлюк бла джаша.
Насыблы элин сюер, насыбсыз кесин сюер.
Ат басханны джер билед.
Агъач – джерни чырайы, кийим – эрни чырайы.
Тюкюрюк баш джармаз, налат кёз чыгъармаз!
Адеб джокъда, намыс джокъ.
Сибиртки да сыйлы болду, кюрек да кюнлю болду.
Дженгил джетерикме деб, узун джолну къоюб, къысхасын барма.
Джарлыны эшигин махтагъан джабар.
Накъырданы арты керти болур.
Нарт сёз – тилни бети.
Къайтырыкъ эшигинги, къаты уруб чыкъма.
Чёбню кёлтюрсенг, тюбюнден сёз чыгъар.
Чомартны къолу берекет.
Хазыр ашха – терен къашыкъ.
Билмезни кёзю кёрмез, этмезни къулагъы эшитмез.
Сабий болмагъан джерде, мёлек болмаз.
Хатерли къул болур.