- Танг атмайма десе да, кюн къоярыкъ тюйюлдю.
- Ашыкъгъанны этеги бутуна чырмалыр.
- Ачлыкъ отха секиртир.
- Адам туугъан джеринде, ит тойгъан джеринде.
- Агъач – джерни чырайы, кийим – эрни чырайы.
- Кечеси – аяз, кюню – къыш, джарлы къаргъагъа бир аш тюш!
- Акъыллы башны – тили къысха.
- Къонакъ аз олтурур, кёб сынар.
- Асхат ашлыкъ сата, юйдегиси ачдан къата.
- Эр сокъур болсун, къатын тилсиз болсун.
- Душманны тышы – акъ, ичи – къара.
- Джарлыны эшигин махтагъан джабар.
- Джангыз торгъай джырламаз.
- Къобан да къуру да къобханлай турмайды, адам да къуру да патчахлай турмайды.
- Тешигини къатында, чычхан да батыр болур.
- Ашхы сёз таш тешер.
- Байлыкъ адамны сокъур этер.
- Орундукъ тюбюнде атылсам да, орта джиликме, де да айлан.
- Экиндини кеч къылсанг, чабыб джетер ашхам.
- Мал кёб болса, джууукъ кёб болур.
- Айтхан – тынч, этген – къыйын.
- Чабакъ башындан чирийди.
- Ашха уста, юйюнде болсун
- Этни бети бла шорпасы.
- Айран тёгюлсе, джугъусу къалыр.
- Къонакъ кёб келюучю юйню, къазаны отдан тюшмез.
- Тулпарлыкъ, билекден тюл – джюрекден.
- Ишни аллы бла къууанма да, арты бла къууан.
- Аман эсирсе, юйюн ояр.
- Тил бла келеди джыр да.
- Аякъларынгы джууургъанынга кёре узат.
- Джети тилни билген джети кишиди.
- Чоюнну башы ачыкъ болса, итге уят керекди.
- Билим насыб берир, билим джолну керир.
- Джарлыны тону джаз битер.
- Тай асырагъан, атха минер.
- Аман адам элни бир-бирине джау этер.
- Билмегенинги, билгеннге сор.
- Байлыкъ келсе, акъыл кетер.
- Аманнга да, игиге да оноусуз къатышма.
- Джылар джаш, атасыны сакъалы бла ойнар.
- Чомартны къолу берекет.
- Терек ауса, отунчу – кёб.
- Аз айтсам, кёб ангылагъыз.
- Сагъышы джокъ – джукъучу, акъылы джокъ – къаугъачы.
- Сабийни джумушха джибер да, ызындан бар.
- Аджал соруб келмез, келсе, къайтыб кетмез.
- Кийиминг бла танылма, адамлыкъ бла таныл.
- Ат да турмайды бир териде.
- Кеси юйюмде мен да ханма.