- Чыбыкълыкъда бюгюлмеген, къазыкълыкъда бюгюлмей эди.
- Адебсиз адам – джюгенсиз ат.
- Башда акъыл болмаса, эки аякъгъа кюч джетер.
- Керек ташны ауурлугъу джокъ.
- Халкъны джырын джырласанг, халкъ санга эжиу этер.
- Къатыны харакетли болса, эри къымсыз болур.
- Чомарт джарлы болмаз.
- От кюйдюрген, сау болса да, тот кюйдюрген, сау болмаз.
- Эл элде бирер малынг болгъандан эсе, бирер тенгинг болсун.
- Тыш элде солтан болгъандан эсе, кесинги элде олтан болгъан игиди!
- Джогъун бар этген, барын бал этген.
- Ач келгенни – тойдур, кеч келгенни – къондур.
- Башы джабылгъан челекге, кир тюшмез.
- Этим кетсе да, сюегим къалыр.
- Джылкъыдан – ат чыгъар, тукъумдан – джаш чыгъар.
- Эки ойлашыб, бир сёлешген.
- Окъугъан озар, окъумагъан тозар.
- Аууз сакълагъан – джан сакълар.
- Эртде тургъан бла эртде юйленнген сокъуранмаз.
- Джырына кёре эжиую.
- Кесине оноу эте билмеген, халкъына да эте билмез.
- Мадар болса, къадар болур.
- Кюлме джашха – келир башха.
- Тик ёргени, тик энгишгеси да болады.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауурну тюбю бла, дженгилни башы бла джюрюген.
- Тойчу джашха къарама, къойчу джашха къара.
- Къуллукъчума, деб махтанма, къуллукъ – хаух джамчыды!
- Эли джокъну – кёлю джокъ.
- Аманны эки битли тону болур, бирин сеннге кийдирир, бирин кеси киер.
- Къарны аманнга къазан такъдырма, къолу аманнга от джакъдырма.
- Биреу ашаб къутулур, биреу джалаб тутулур.
- Эрни эр этерик да, къара джер этерик да, тиширыуду.
- Гугук кесини атын айтыб къычыргъанча, мен, мен деб нек тураса?
- Сёз къанатсыз учар.
- Джангыз терек къынгыр ёсер.
- Тёрдеги кюлсе, эшикдеги ышарыр.
- Биреуню эскиси биреуге джангы болмайды.
- Айтылгъан буйрукъ, сёгюлмез
- Джарлы джети элни сёзюн этер.
- Аман хансны – урлугъу кёб.
- Джырчы джырчыгъа – къарнаш.
- Къартны сыйын кёрмеген, къартлыгъында сыйлы болмаз.
- Азыкълы ат арымаз, къатыны аман джарымаз.
- Хазыр ашха – терен къашыкъ.
- Берекет берсин деген джерде, берекет болур.
- Тулпарлыкъ, билекден тюл – джюрекден.
- Ашатыргъа иш – ашхы, ишлетирге аш – ашхы.
- Ач къалгъандан, кеч къалгъан къолай.
- Адам къаллай бир ишленмесе, аллай бир кесин уллу кёреди.