Эльбрусоид :: Эльбрусоид

Сёз къанатсыз учар.
Къолунгдан къуймакъ ашатсанг да, атаны борчундан къутулмазса.
Джырчы ёлсе, джыры къалыр.
Тойгъан антын унутур.
Ариу – кёзге, акъыл – джюрекге.
Бозанг болмагъан джерге, къалагъынгы сукъма.
Эм ашхы къайын ана мамукъ бла башынгы тешер.
Аш кетер да бет къалыр.
Суу да къайтады чыкъгъан джерине.
Зарда марда джокъ.
Хар сёзню орну барды.
Махтаннган къыз, тойда джукълар.
Ауузу аманнга «иги», деме.
Акъдан къара болмаз.
Ашарыкъда сайлагъаннга – чий гырджын.
Ёлген эшек бёрюден къоркъмайды.
Эшекни не къадар тюйсенг да, ат болмаз.
Бек анасы джыламаз.
Эр сокъур болсун, къатын тилсиз болсун.
Сабий болмагъан джерде, мёлек болмаз.
Чомартха хар кюн да байрамды.
Къонакъ болсанг, ийнакъ бол.
Айырылгъанланы айю ашар, бёлюннгенлени бёрю ашар.
Бюгюн дуния кибик, тамбла ахыратды.
Джарашыу сюйген – джалынчакъ.
Джыланны къуйругъундан басарынг келсе, аны башы болгъанын унутма.
Игини сыйлагъан адетди.
Къартны бурнун сюрт да, оноугъа тут.
Аманны эки битли тону болур, бирин сеннге кийдирир, бирин кеси киер.
Эрни эр этерик да, къара джер этерик да, тиширыуду.
Эки ойлашыб, бир сёлешген.
Намыс сатылыб алынмайды.
Айранын берсенг, челегин да къызгъанма.
Джюрекден джюрекге джол барды.
Ашда – бёрю, ишде – ёлю.
Тойчу джашха къарама, къойчу джашха къара.
Чыбыкълыкъда бюгюлмеген, къазыкълыкъда бюгюлмей эди.
Гугурук къычырмаса да, тангны атары къалмаз.
Дуния аламаты сен эсенг да, игиме деб айтма.
Къанны къан бла джуума, аманны аман бла къуума.
Кюн кёрмеген, кюн кёрсе, кюндюз чыракъ джандырыр.
Эри аманны, къатыны – аман.
Ёлюр джаннга, ёкюл джокъ.
Мал ёлсе, сюек къалыр, адам ёлсе, иши къалыр.
Ачлыкъда тары гырджын халыуадан татлы.
Ашыкъгъан cуу, тенгизге джетмез.
Бет бетге къараса, бет да джерге къарар.
Тамырсыз терекге таянма – джыгъылырса.
Аман эсирсе, юйюн ояр.
Джашны джигитлиги сорулур, къызны джигерлиги сорулур.