- Адам сёзге тынгыла, акъыл сёзню ангыла.
- Джогъун бар этген, барын бал этген.
- Тилчиден кери бол.
- Бал чибинни ургъаны – ачы, балы – татлы.
- Акъыл сабырлыкъ берир.
- Намысы джокъну – дуниясы джокъ.
- Ишни ахырын ойламай, аллын башлама.
- Зар адамны насыбы болмаз.
- Биреуге аманлыкъны тилеме да, кесинге ашхылыкъны тиле.
- Ёлюк кебинсиз къалмаз.
- Эллинг бла джау болсанг да, юйюнг бла джау болма.
- Кёзден кетген, кёлден да кетеди.
- Къарт бла баш аша, джаш бла аякъ аша.
- Джаханимни кёрмей, джандетге кёл салмазса.
- Ётюрюк хапар аякъ тюбю бла джюрюйдю.
- Тойгъан джерден туугъан джер игиди.
- Эки итни арасына сюек атма, эки адамны арасында сёз чыгъарма.
- Акъыл къартда, джашда тюйюлдю – башдады.
- Джашлыкъ этмеген, башлыкъ этмез.
- Сёз къанатсыз учар.
- Чомартха хар кюн да байрамды.
- Юйюнг бла джау болгъандан эсе, элинг бла джау бол.
- Аш хазыр болса, иш харам болур.
- Тил – кесген бычакъ, сёз – атылгъан окъ.
- Джырына кёре эжиую.
- Мал кёб болса, джууукъ кёб болур.
- Адеб этмеген, адеб кёрмез.
- Ишин билген, аны сыйын чыгъарады.
- Мадар болса, къадар болур.
- Къошда джокъгъа – юлюш джокъ.
- Урунуу – насыбны анасы.
- Уллу къазанда бишген эт, чий къалмаз.
- Аджашханны ызындагъы кёреди, джангылгъанны джанындагъы биледи.
- Аз сёлешген, къайгъысыз турур.
- Чомартны къолун джокълукъ байлар.
- Таш ата билмеген, башына урур.
- Ауругъан – джашаудан умутчу.
- Ата – билек, ана – джюрек!
- Кийимни бичсенг, кенг бич, тар этген къыйын тюлдю.
- Адеб джокъда, намыс джокъ.
- Къарыусузгъа кюлме, онгсузгъа тийме.
- Кюл тюбюндеги от кёрюнмейди.
- Ариу сёзде ауруу джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъумагъан сокъурду, сокъур ташха абыныр!
- Танг атмайма десе да, кюн къоярыкъ тюйюлдю.
- Чомарт къолда мал къалмаз.
- Кёз – сюйген джерде, къол – ауругъан джерде.
- Элге къуллукъ этмеген, элге ие болмаз.
- Кюн кёрмеген, кюн кёрсе, кюндюз чыракъ джандырыр.