Эльбрусоид :: Эльбрусоид

Ач бёрюге мекям джокъ.
Ачыу алгъа келсе, акъыл артха къалады.
Ишге юренсин къоллары, халкъ бла болсун джоллары.
Аз сёлешген, къайгъысыз турур.
Бети къызарыучу адамны, джюреги харам болмаз.
Керек ташны ауурлугъу джокъ.
Бал – татлы, балдан да бала – татлы.
Тил бла келеди джыр да.
Ана къойну – балагъа джандет.
Чакъырылмагъан къонакъ тёрге атламаз.
Ат басханны джер билед.
Огъурлуну сёзю – суу, огъурсузну сёзю – уу.
Уллу атлама – абынырса, уллу къабма – къарылырса.
Окъуу – билимни ачхычы, окъуу – дунияны бачхычы.
Чарсда алчыны эл кёреди.
Эркишиге тары кебек танг кёрюнюр.
Кенгеш болса, уруш болмаз.
Айтхан – тынч, этген – къыйын.
Сёз сёзню айтдырыр.
Джаш болсун, къыз болсун, акъылы, саны тюз болсун.
Ауурну тюбю бла, дженгилни башы бла джюрюген.
Элни кючю – эмеген.
Хар адамгъа кеси миннген тау кибик.
Ётюрюкню къуйругъу – бир тутум.
Къулакъдан эсе, кёзге ышан.
Термилгенинги табмазса, кюлгенинге тюберсе.
Башда акъыл болмаса, эки аякъгъа кюч джетер.
Кийимни бир кюнню аясанг, минг кюннге джарар.
Джарашыу сюйген – джалынчакъ.
Эки итни арасына сюек атма, эки адамны арасында сёз чыгъарма.
Байны оноуу, джарлыгъа джарамаз.
Къатыны харакетли болса, эри къымсыз болур.
Тойгъандан сора, ашны сёкме.
Орундукъ тюбюнде атылсам да, орта джиликме, де да айлан.
От этилмеген джерден тютюн чыкъмайды.
Ашда уялгъан – мухар, ишде уялгъан – хомух.
Баланы адам этген анады.
Юйлю уругъа ит чабмаз.
Джыгъылгъанны сырты джерден тоймаз.
Айран ичген – къутулду, джугъусун джалагъан – тутулду.
Къонакъ хазыр болгъанлыкъгъа, къонакъбай хазыр тюлдю.
Джангыз торгъай джырламаз.
Телиге от эт десенг, юйюнге от салыр.
Аш берме да, къаш бер.
Бичгенде ашыкъма, тикгенде ашыкъ.
Ауузу бла къуш тута айланады.
Кютгени беш эчки, сызгъыргъаны уа, джерни джарады.
Келинни – келгинчи, бёркню кийгинчи кёр.
Ишин билген, аны сыйын чыгъарады.
Башынга джетмегенни сорма.