- Билим – акъылны чырагъы.
- Къулакъдан эсе, кёзге ышан.
- Дуния малгъа сатылма, кесингден телиге къатылма.
- Къонакъ аман болса, къонакъбай джунчур
- Онгсузну – джакъла, тенгликни – сакъла.
- Битмегеннге сакъал – танг.
- Сууда джау джокъ, кёб сёзде магъана джокъ.
- Артына баргъанны, къатына барма.
- Аманны тукъумуна къарама, игини тукъумун сорма.
- Ач къарынны, токъ билмез
- Харам къарнашдан, халал тенг ашхы.
- Сёз садакъдан кючлюдю.
- Азыкълы ат арымаз, къатыны аман джарымаз.
- Сакъ юйюне сау барыр.
- Кюн кёрмеген, кюн кёрсе, кюндюз чыракъ джандырыр.
- Тилсиз миллет джокъ болур.
- Гугурук къычырмаса да, тангны атары къалмаз.
- Ашха уста, юйюнде болсун
- Ишленмеген джаш – джюгенсиз ат, ишленмеген къыз – тузсуз хант.
- Акъдан къара болмаз.
- Адамны артындан къара сабан сюрме.
- Соргъан айыб тюлдю, билмеген айыбды.
- Намыс сатылыб алынмайды.
- Къонакъ хазыр болгъанлыкъгъа, къонакъбай хазыр тюлдю.
- Хар адамгъа кеси миннген тау кибик.
- Хаухну атма, ёнгкючню сатма.
- Акъыл аздырмаз, билим тоздурмаз.
- Къолу уллу – асыу, аягъы уллу – джарсыу.
- Къошда джокъгъа – юлюш джокъ.
- Акъыл неден да кючлюдю.
- Билеги кючлю, бирни джыгъар, билими кючлю, мингни джыгъар.
- Иги адамны бир сёзю эки болмаз.
- Ётюрюк хапар аякъ тюбю бла джюрюйдю.
- Акъылсызны джууукъгъа алма, акъыллыны кенгнге салма.
- Аман къатын алгъан, арыр, иги къатын алгъан джарыр.
- Сютден ауузу кюйген, суугъа юфгюре эди.
- Эрине къаргъыш этген къатын, эрнин къабар.
- Сибиртки да сыйлы болду, кюрек да кюнлю болду.
- Болджал ишни бёрю ашар.
- Туз, гырджын аша, тюзлюк бла джаша.
- Кёрмегеннге кебек – танг, битмегеннге сакъал – танг.
- Бастасын ашагъан, хантусун да ичер.
- Ашда – бёрю, ишде – ёлю.
- Уллу атлама – абынырса, уллу къабма – къарылырса.
- Тил – миллетни джаны.
- Аджаллыгъа окъсуз шкок атылыр.
- Мени джылытмагъан кюн, меннге тиймесин!
- Акъыл бла адеб эгизледиле.
- Адам туугъан джеринде, ит тойгъан джеринде.
- Суугъа – чабакъ, къаягъа – ыргъакъ.