- Ашыкъгъан cуу, тенгизге джетмез.
- Тиширыусуз юй – отсуз от джагъа.
- Ёлюк кебинсиз къалмаз.
- Садакъачыны джаны – къапчыгъында.
- Урунуу – насыбны анасы.
- Джарлы тюеге минсе да, ит къабар.
- Эм уллу байлыкъ – джан саулукъ.
- Уллу сёлешме да, уллу къаб.
- Адам къаллай бир ишленмесе, аллай бир кесин уллу кёреди.
- Дуния малгъа сатылма, кесингден телиге къатылма.
- Бермеген къол, алмайды.
- Ашда – бёрю, ишде – ёлю.
- Ачлыкъ отха секиртир.
- Ариу джол аджал келтирмез.
- Дууулдаса – бал чибин, къонса – къара чибин.
- Биреуню къыйынлыгъы бла кесинге джол ишлеме.
- Хантына кёре тузу, юйюне кёре къызы.
- Чомартны къолун джокълукъ байлар.
- Ашына кёре табагъы, балына кёре къалагъы.
- Бети – къучакълар, джюреги – бычакълар.
- Джыланны къуйругъундан басарынг келсе, аны башы болгъанын унутма.
- Билген билмегенни юретген адетди.
- Сакъалы текени да бар, мыйыгъы киштикни да бар.
- Чакъырылмагъан къонакъ тёрге атламаз.
- Тай асырагъан, атха минер.
- Хазыр ашха – терен къашыкъ.
- Къонакъ болсанг, ийнакъ бол.
- Къууут – джелге, берне – бошха.
- Ханы къызы буюгъа-буюгъа киштик болду.
- Окъумагъан сокъурду, сокъур ташха абыныр!
- Юйюнгден чыкъдынг – кюнюнгден чыкъдынг.
- Айырылмаз джууугъунга, унутмаз сёзню айтма.
- Гугурук къычырмаса да, тангны атары къалмаз.
- Таула не мийик болсала да, аууш табылыр.
- Адебсиз адам – джюгенсиз ат.
- Шапа кёб болса, аш татымсыз болур.
- Къумурсхала джыйылсала, пилни да джыгъадыла.
- Ишлегенде эринме, ишде чолакъ кёрюнме.
- Эртде тургъан бла эртде юйленнген сокъуранмаз.
- Тамчы таш тешер.
- Душманны тышы – акъ, ичи – къара.
- Байлыкъ келсе, акъыл кетер.
- Сабыр джетер муратха, сабырсыз къалыр уятха.
- Эрни эр этерик да, къара джер этерик да, тиширыуду.
- Тик ёргени, тик энгишгеси да болады.
- Джерни букъусу кёкге къонмаз.
- Чомартны къолу берекет.
- Аман къатын алгъан, арыр, иги къатын алгъан джарыр.
- Акъыл бла адеб эгизледиле.
- Байлыкъдан саулукъ ашхыды.