- Эшекни не къадар тюйсенг да, ат болмаз.
- Аман къатын алгъан, арыр, иги къатын алгъан джарыр.
- Адеб этмеген, адеб кёрмез.
- Юй ишлеген балта эшикде къалыр.
- Билгенни къолу къарны джандырыр.
- Джюрекден джюрекге джол барды.
- Суу да къайтады чыкъгъан джерине.
- Тил бла келеди джыр да.
- Накъырда – кертини келечиси.
- Хазыр ашха – терен къашыкъ.
- Суугъа – чабакъ, къаягъа – ыргъакъ.
- Элде адам къалмаса, ит тахтагъа минер.
- Юй кюйдю да, кюйюз чыкъды, ортасындан тюйюш чыкъды.
- Къарыусузгъа кюлме, онгсузгъа тийме.
- Насыб бютеу халкъны юлюшюдю.
- Сангырау къулакъ эл бузар.
- Ишни ахырын ойламай, аллын башлама.
- Онгсузну – джакъла, тенгликни – сакъла.
- Тёрдеги кюлсе, эшикдеги ышарыр.
- Джаным-тиним – окъуу, билим.
- Бал чибинни ургъаны – ачы, балы – татлы.
- Уллу атлама – абынырса, уллу къабма – къарылырса.
- Чомартны къолун джокълукъ байлар.
- Къралынгы – душмандан, башынгы от бла суудан сакъла.
- Таш бла ургъанны, аш бла ур.
- Агъач халкъгъа алтынды, иссиликге салкъынды.
- Ариу джол аджал келтирмез.
- Эл ауузу – элек, анга ийнаннган – халек.
- Къарнынг ауруса, ауузунгу тый
- Джаш болсун, къыз болсун, акъылы, саны тюз болсун.
- Бастасын ашагъан, хантусун да ичер.
- Ойнаб айтсанг да, эслеб айт.
- Ашхы атаны – джашы ашхы, ашхы ананы – къызы ашхы.
- Бозанг болмагъан джерге, къалагъынгы сукъма.
- Ашын ашагъанынгы, башын да сыйла.
- Азыкълы ат арымаз, къатыны аман джарымаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Сёлеш деб шай берген, тохта деб, сом берген.
- Окъугъан озар, окъумагъан тозар.
- Мухардан ач ычхынмаз.
- Аш кетер да бет къалыр.
- Ачылгъан эт джабылыр, кёрген кёз унутмаз.
- Ёгюзню мюйюзлери ауурлукъ этмейдиле.
- Къарт болгъан джерде, берекет болур, сабий болгъан джерде, оюн болур.
- Джолда аягъынга сакъ бол, ушакъда тилинге сакъ бол.
- Байлыкъдан саулукъ ашхыды.
- Акъдан къара болмаз.
- Адамны сабийин сюйген джюреги, бычакъча, джитиди.
- Арпа, будай – ащды, алтын, кюмюш а – ташды.
- Айранны сюйген, ийнек тутар.