Эльбрусоид :: Эльбрусоид

Тешик этген тынчды, аны джамагъан къыйынды.
Эринчекге кюн узун.
Къартны сыйын кёрмеген, къартлыгъында сыйлы болмаз.
Дуния малгъа сатылма, кесингден телиге къатылма.
Бал ашаргъа сюе эсенг, чибин ургъаннга тёз.
Ачлыкъда тары гырджын халыуадан татлы.
Иги болса, тамадама – махтау, аман болса, меннге – айыб.
Ёзденликни джайгъан – джокълукъ.
Кёл ашады да, кеси ашады.
Элиб деген, элге болушур.
Тёрдеги кюлсе, эшикдеги ышарыр.
Акъыллы айтыр эди, акъылсыз къоймайды.
Этек чакъмакълары баш джаргъан, сёлешген сёзлери таш джаргъан.
Къатын къылыкъсыз, эр тынчлыкъсыз.
Иги сёз – джаннга азыкъ, аман сёз башха – къазыкъ.
От кюйдюрген, сау болса да, тот кюйдюрген, сау болмаз.
Кёз – сюйген джерде, къол – ауругъан джерде.
Акъыл аздырмаз, билим тоздурмаз.
Уллу къашыкъ эрин джыртар.
Аман къатын алгъан, арыр, иги къатын алгъан джарыр.
Аджашхан тёгерек айланыр.
Окъугъан озар, окъумагъан тозар.
Акъыл бла адеб эгизледиле.
Зар адамны насыбы болмаз.
Адамны сыфатына къарама, сёзюне къара.
Къатыны харакетли болса, эри къымсыз болур.
Сууда джау джокъ, кёб сёзде магъана джокъ.
Эркиши – от, тиширыу – суу.
Уллу сёлешме да, уллу къаб.
Ана кёлю – балада, бала кёлю – талада.
Джыгъылгъанны сырты джерден тоймаз.
Чакъырылгъанны аты, чакъырылмагъанны багъасы болур.
Джигер – джаннга къыйынлыкъ.
Суугъа – чабакъ, къаягъа – ыргъакъ.
Сыфатында болмагъаны, суратында болмаз.
Аман адам этегингден тутса, кес да къач.
Кёб ант этген, кёб ётюрюк айтыр.
Игини сыйлагъан адетди.
Адам къыйынлыгъын кёлтюрюр, зауукълугъун кёлтюрмез.
Биреуню тёрюнден, кесинги эшик артынг игиди.
Акъылсызны джууукъгъа алма, акъыллыны кенгнге салма.
Адам боллукъ, атламындан белгили болур.
Ойнай билмеген, уруб къачар.
Кийимни бир кюнню аясанг, минг кюннге джарар.
Тойгъан джерден туугъан джер игиди.
Ашлыкъны арба юйге келтирир, чана базаргъа элтир.
Туз, гырджын аша, тюзлюк бла джаша.
Ашхылыкъ джерде джатмайды, аманлыкъ суугъа батмайды.
Бир абыннган – минг сюрюнюр.
Ауругъаннга – кийик саулукъ, джетген къызгъа – чилле джаулукъ.