- Тас болгъан бычакъны сабы – алтын.
- Тёрде – темир таякълы, къаяда – чыпчыкъ аякълы.
- Джашынгы кесинг юретмесенг, джашау юретир.
- Тамбла алтындан бюгюн багъыр ашхы.
- Аджал соруб келмез, келсе, къайтыб кетмез.
- Ана къолу ачытмаз.
- Билгенни къолу къарны джандырыр.
- Хар зат кесини орнуна иги.
- Дууулдаса – бал чибин, къонса – къара чибин.
- Туз, гырджын аша, тюзлюк бла джаша.
- Кесине гебен этелмеген, биреуге черен эте эди.
- Босагъа таш юйге кирмей эди, тыбыр таш эшикге чыкъмай эди.
- Бети къызарыучу адамны, джюреги харам болмаз.
- Кёкдеги болмаса, джердегин кёрмейди.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Ишлегенден, къарагъан уста.
- Таш бла ургъанны, аш бла ур.
- Тик ёргени, тик энгишгеси да болады.
- Шекер бла туз – бир болмаз, ушамагъан – юй болмаз.
- Орну джокъну – сыйы джокъ.
- Эл элде бирер малынг болгъандан эсе, бирер тенгинг болсун.
- Къонакъ хазыр болгъанлыкъгъа, къонакъбай хазыр тюлдю.
- Хоншуну тауугъу къаз кёрюнюр, келини къыз кёрюнюр.
- Адамны сабийин сюйген джюреги, бычакъча, джитиди.
- Агъач халкъгъа алтынды, иссиликге салкъынды.
- Джарлы эскисин джамаса, къууаныр.
- Тюз сёз баргъан сууну тыяр.
- Аш хазыр болса, иш харам болур.
- Биреуге аманлыкъ этиб, кесинге игилик табмазса.
- Билмегенинги, билгеннге сор.
- Кёзден кетген, кёлден да кетеди.
- Ойнаб айтсанг да, эслеб айт.
- От этилмеген джерден тютюн чыкъмайды.
- Ауругъаннга – кийик саулукъ, джетген къызгъа – чилле джаулукъ.
- Башсыз урчукъ тюзюне айланмаз.
- Айныгъанлы алты кюн, тогъайгъанлы тогъуз кюн.
- Онгсузну – джакъла, тенгликни – сакъла.
- Къонакъ кёб келюучю юйню, къазаны отдан тюшмез.
- Чабакъ башындан чирийди.
- Къарын къуру болса, джюрек уру болур.
- Сабийни джумушха джибер да, ызындан бар.
- Суу ичген шауданынга тюкюрме.
- Эшекни не къадар тюйсенг да, ат болмаз.
- Чоюнну башы ачыкъ болса, итге уят керекди.
- Садакъачыны джаны – къапчыгъында.
- Ач къарным, тынч къулагъым.
- Душманны тышы – акъ, ичи – къара.
- Зарда марда джокъ.
- Адам сёзге тынгыла, акъыл сёзню ангыла.
Азамат из Каира
|