Эльбрусоид :: Эльбрусоид

Таукел адам тау тешер.
Аманнга да, игиге да оноусуз къатышма.
Айранын берсенг, челегин да къызгъанма.
Аш хазыр болса, иш харам болур.
Гыдай эчки суугъа къараб, мюйюзле кёрмесе, джашма алкъын, дегенди.
Джуртун къоругъан озар.
Джарлыны эшигин махтагъан джабар.
Ач уят къоймаз.
Биреуге кёлтюрген таягъынг, кесинги башынга урур.
Къарнынг тойгъунчу аша да, белинг талгъынчы ишле.
Ашлыкъны арба юйге келтирир, чана базаргъа элтир.
Эки элинги тыйсанг, джети элде махталырса.
Кюн кёрмеген, кюн кёрсе, кюндюз чыракъ джандырыр.
Адебсиз адам – джюгенсиз ат.
Кёлю джокъну – джолу джокъ.
Байлыкъ келсе, акъыл кетер.
Аллахдан тилесенг, кёб тиле.
Ариу сёз – джаннга азыкъ, аман сёз – башха къазыкъ.
Эки къатын алгъан – эки ташны ортасына башын салгъан.
Ёлюк кебинсиз къалмаз.
Тиширыусуз юй – отсуз от джагъа.
Насыб бютеу халкъны юлюшюдю.
Суугъа – таянма, джаугъа – ийнанма.
Билим къая тешер.
Арба аугъандан сора, джол кёргюзтюучю кёб болур.
Бозаны арты дауур болур.
Экеулен сёлеше тура эселе, орталарына барыб кирме.
Ёлюр джаннга, ёкюл джокъ.
Суу да къайтады чыкъгъан джерине.
Этек чакъмакълары баш джаргъан, сёлешген сёзлери таш джаргъан.
Кенгеш болса, уруш болмаз.
Сакъ юйюне сау барыр.
Джарашыу сюйген – джалынчакъ.
Байдан умут эте, джарлыдан ёгюз багъасы къорады.
Кёрмегеннге кебек – танг, битмегеннге сакъал – танг.
Ариу джол аджал келтирмез.
Ачлыкъ отха секиртир.
Телиге от эт десенг, юйюнге от салыр.
Эл элде бирер малынг болгъандан эсе, бирер тенгинг болсун.
Билими азны – ауузунда кирит.
Къатыны харакетли болса, эри къымсыз болур.
Бюгюн дуния кибик, тамбла ахыратды.
Кесине оноу эте билмеген, халкъына да эте билмез.
Къарт бла баш аша, джаш бла аякъ аша.
Намыс сатылыб алынмайды.
Тюкюрюк баш джармаз, налат кёз чыгъармаз!
Эм ашхы къайын ана мамукъ бла башынгы тешер.
Аман хансны – урлугъу кёб.
Ауузу бла къуш тута айланады.
Ишни ахырын ойламай, аллын башлама.