- Зар адамны насыбы болмаз.
- Ариу сёз – къылычдан джити.
- Билимсиз иш бармаз.
- Кесине оноу эте билмеген, халкъына да эте билмез.
- Бёрю да ач къалмасын, эчки да ашалмасын.
- Халкъны юйю – туугъан джери.
- Харам къарнашдан, халал тенг ашхы.
- Ач къарным, тынч къулагъым.
- Билим насыб берир, билим джолну керир.
- Намыс болмагъан джерде, насыб болмаз.
- Хазыр ашха – терен къашыкъ.
- Ишин билген, аны сыйын чыгъарады.
- Уллу суу бла уллу ауруудан башынгы сакъла.
- Аш кетер да бет къалыр.
- Экеулен сёлеше тура эселе, орталарына барыб кирме.
- Къонагъы джокъну – шоху джокъ.
- Окъугъан озар, окъумагъан тозар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кесине гебен этелмеген, биреуге черен эте эди.
- Керек ташны ауурлугъу джокъ.
- Азыгъы аз, алгъа къабар, аты аман, алгъа чабар.
- Акъыллы – эл иеси, тели – эл баласы.
- Башланнган иш битер, къымылдагъан тиш тюшер.
- Тура эдим джата, къайдан чыкъды хата?
- Иги сёз – джаннга азыкъ, аман сёз башха – къазыкъ.
- Окъ къызбайны джокълайды.
- Ёнгкюч къууана барыр, джылай келир.
- Азыкълы ат арымаз, къатыны аман джарымаз.
- Къобан да къуру да къобханлай турмайды, адам да къуру да патчахлай турмайды.
- Къазанчы аман болса, къазаны къайнамаз.
- Чоюнну башы ачыкъ болса, итге уят керекди.
- Алгъанда – джууукъ, бергенде – джау.
- Ариу сёзде ауруу джокъ.
- Махтаннган къыз, тойда джукълар.
- Къонакъ хазыр болгъанлыкъгъа, къонакъбай хазыр тюлдю.
- Ёлген аслан – сау чычхан.
- Ач – эснер, ат – кишнер.
- Чакъырылмагъан къонакъ тёрге атламаз.
- Игиге айтсанг – билир, аманнга айтсанг – кюлюр.
- Джангызны оту джарыкъ джанмаз!
- Джаз бир кюнню джатсанг, къыш талай кюнню абынырса.
- Джарлы тюеге минсе да, ит къабар.
- Айраннга суу къош, телиге джол бош.
- Адебни адебсизден юрен.
- Кёл ашады да, кеси ашады.
- Чомарт къонакъ юй иесин сыйлар.
- Айтханы чапыракъдан ётмеген.
- Тау башында, тау болмаз, джангыз терек, бау болмаз.
- Ханнга да келеди хариблик.
- Аджашхан тёгерек айланыр.