Эльбрусоид :: Эльбрусоид

Садакъачыны джаны – къапчыгъында.
Терек ауса, отунчу – кёб.
Тойчу джашха къарама, къойчу джашха къара.
Айран ичген – къутулду, джугъусун джалагъан – тутулду.
Джыланны къуйругъундан басарынг келсе, аны башы болгъанын унутма.
Оюмсуз атлагъан, аджалсыз ёлюр.
Татлы сёз – балдан татлы.
Ариу сёз – джаннга азыкъ, аман сёз – башха къазыкъ.
Уллу айтханны этмеген – уллаймаз.
Сёз къанатсыз учар.
Гугурук къычырмаса да, тангны атары къалмаз.
Тойгъанлыкъ къойгъа джарашады.
Адам къыйынлыгъын кёлтюрюр, зауукълугъун кёлтюрмез.
Джюз элде джюз ёгюзюм болгъандан эсе, джюз джууугъум болсун.
Джумушакъ терекни къурт ашар.
Бети къызарыучу адамны, джюреги харам болмаз.
Аш берме да, къаш бер.
Сагъышы джокъ – джукъучу, акъылы джокъ – къаугъачы.
Башы джабылгъан челекге, кир тюшмез.
Эр абынмай, эл танымаз.
Акъыллы айтыр эди, акъылсыз къоймайды.
Насыблы элин сюер, насыбсыз кесин сюер.
Ёгюзню мюйюзюнден тутадыла, адамны сёзюнден тутадыла.
Артына баргъанны, къатына барма.
Кёпюр салгъан кеси ётер, уру къазгъан кеси кетер.
Кёл – къызбай, къол – батыр.
Джюрекге ариу – кёзге да ариу.
Джырчы ёлсе, джыры къалыр.
Акъыл аздырмаз, билим тоздурмаз.
Ачыкъ джюрекге джол – ачыкъ.
Ёлген ийнек сютлю болур.
Джигер – джаннга къыйынлыкъ.
Айтханы чапыракъдан ётмеген.
Тенгинг джокъ эсе – изле, бар эсе – сакъла!
Окъуу – билимни ачхычы, окъуу – дунияны бачхычы.
Ётюрюк хапар аякъ тюбю бла джюрюйдю.
Джарлы тюеге минсе да, ит къабар.
Кийимни бир кюнню аясанг, минг кюннге джарар.
Сибиртки да сыйлы болду, кюрек да кюнлю болду.
Ариу сёз аурууунгу алыр.
Окъугъан – асыу, окъумагъан – джарсыу.
Ётюрюкден тюбю джокъ, кёлтюрюрге джиби джокъ.
Адам туугъан джеринде, ит тойгъан джеринде.
Чабакъ башындан чирийди.
Аууздан келген, къолдан келсе, ким да патчах болур эди.
Къайгъыны сюйген, къайгъы табар.
Тулпарлыкъ, билекден тюл – джюрекден.
Биреу къой излей, биреу той излей.
Термилгенинги табмазса, кюлгенинге тюберсе.
Сёз сёзню айтдырыр.