- Таула не мийик болсала да, аууш табылыр.
- Иги болса, тамадама – махтау, аман болса, меннге – айыб.
- Джангызны оту джарыкъ джанмаз!
- Къарт айтханны этмеген, къартаймаз.
- Къонакъ хазыр болгъанлыкъгъа, къонакъбай хазыр тюлдю.
- Борчунг бар эсе, хурджунунга ойлаб узал.
- Ач – эснер, ат – кишнер.
- Сабий болмагъан джерде, мёлек болмаз.
- Баш – акъыл ючюн, акъылман – халкъ ючюн.
- Тойгъан джерге джети къайт.
- Мадар болса, къадар болур.
- Джаным-тиним – окъуу, билим.
- Адеб джокъда, намыс джокъ.
- Ётген ёмюр – акъгъан суу.
- Къайгъыны сюйген, къайгъы табар.
- Джырына кёре эжиую.
- Алтыннга тот къонмаз.
- Дууулдаса – бал чибин, къонса – къара чибин.
- Арбаз къынгырды да, ийнек сауалмайма.
- Сабийликде юретмесенг, уллу болса – тюзелмез.
- Джогъун бар этген, барын бал этген.
- Эки итни арасына сюек атма, эки адамны арасында сёз чыгъарма.
- Хар сёзню орну барды.
- Аман къатын сабий табса, бий болур…
- Берекет берсин деген джерде, берекет болур.
- Аман къатын алгъан, арыр, иги къатын алгъан джарыр.
- Башы джабылгъан челекге, кир тюшмез.
- Тёзгеннге, джабылгъан эшик ачылыр.
- Урама да – ёледи, сатама да – келеди.
- Мени джылытмагъан кюн, меннге тиймесин!
- Аджаллыгъа окъсуз шкок атылыр.
- Кесине оноу эте билмеген, халкъына да эте билмез.
- Кютгени беш эчки, сызгъыргъаны уа, джерни джарады.
- Алтыда кюлмеген, алтмышда кюлмез.
- Этни бети бла шорпасы.
- «Ёгюз, джаргъа джууукъ барма, меннге джюк боллукъса», - дегенди эшек.
- Олтуруб кёрюнмей эди да, ёрге туруб кёрюне эди.
- Нарт сёз – тилни бети.
- Джаш болсун, къыз болсун, акъылы, саны тюз болсун.
- Эл бла кёргенинг эрелей.
- Джаралыны джастыгъында сау ёлюр.
- Ичимден чыкъды хата, къайры барайым сата?
- Тойгъанлыкъ къойгъа джарашады.
- Аман киши кеси юйюнде – къонакъ.
- Джырчы ёлсе, джыры къалыр.
- Баланы адам этген анады.
- Магъанасыз сёз – тауушсуз сыбызгъы.
- Кийимни бир кюнню аясанг, минг кюннге джарар.
- Акъыл неден да кючлюдю.
- Ариу сёз аурууунгу алыр.