- Сёлеш деб шай берген, тохта деб, сом берген.
- Дженгил джетерикме деб, узун джолну къоюб, къысхасын барма.
- Джумушакъ сёз къаты таякъны сындырыр.
- Акъыл бла адеб эгизледиле.
- Сёз сёзню айтдырыр.
- Ауругъанны сау билмез, ач къарынны токъ билмез.
- Ауурну тюбю бла, дженгилни башы бла джюрюген.
- Таукелге нюр джауар.
- Ашыкъгъанны этеги бутуна чырмалыр.
- Кюн – узун, ёмюр – къысха.
- Ариу сёз аурууунгу алыр.
- Байлыкъ адамны сокъур этер.
- Ойнай-ойнай кёз чыгъар.
- Айранын берсенг, челегин да къызгъанма.
- Нёгер болсанг, тенг бол, тенг болмасанг, кенг бол.
- Адам туугъан джеринде, ит тойгъан джеринде.
- Азыкъ аз болса, эртде орун сал.
- Адамны адамлыгъы къыйынлыкъда айгъакъланады.
- Суу ичген шауданынга тюкюрме.
- Джиби бир къат джетмей эди да, эки къат тарта эди.
- Къарнынг къанлынга кийирир.
- Айран тёгюлсе, джугъусу къалыр.
- Телиге от эт десенг, юйюнге от салыр.
- Джигер – джаннга къыйынлыкъ.
- Хунаны тюбюн къазсанг, юсюнге ауар.
- Окъумагъан сокъурду, сокъур ташха абыныр!
- Джылкъыдан – ат чыгъар, тукъумдан – джаш чыгъар.
- Ауузу аманнга «иги», деме.
- Ачылгъан эт джабылыр, кёрген кёз унутмаз.
- Джуртун къоругъан озар.
- Къонакъ кёб келюучю юйню, къазаны отдан тюшмез.
- Арбаз къынгырды да, ийнек сауалмайма.
- Бичгенде ашыкъма, тикгенде ашыкъ.
- Хаухну атма, ёнгкючню сатма.
- Ишлемеген – тишлемез.
- Сагъышы джокъ – джукъучу, акъылы джокъ – къаугъачы.
- Келгинчи, къонакъ уялыр, келгенден сора, къонакъбай уялыр.
- Ашыкъгъан cуу, тенгизге джетмез.
- Олтуруб кёрюнмей эди да, ёрге туруб кёрюне эди.
- Дуния мал дунияда къалады.
- Биреу ашаб къутулур, биреу джалаб тутулур.
- Минг тенг да азды, бир джау да кёбдю.
- Бозаны арты дауур болур.
- Ёксюзню тилеги къабыл болур.
- Джарлыны эшигин махтагъан джабар.
- Кирсизни – саны таза, халалны – къаны таза.
- Келлик заман – къартлыкъ келтирир, кетген заман – джашлыкъ ёлтюрюр.
- Мухарны эси – ашарыкъда.
- Джаш къарыу бла кючлю, къарт акъыл бла кючлю.
- Тамырсыз терекге таянма – джыгъылырса.
Ана тилде ушакъ: Къарачай-Малкъар тил бла литератураны бюгюнгю болуму
31.01.2009 16:38:47
Девушка Гор
Бек аламат иш этдинг Къараймада алай бош киши олтурмагъанды |
|
|
|
31.01.2009 17:14:48
Bulgar
Сабыр болугъуз. Унутуб къоймагъанма |
|
|
|
02.02.2009 03:36:47
Azamat
Къарачайдан, Россиядан тышында джашагъанла бизден эсе сакъдыла тиллерине дейдиле. Былайгъа джыйылгъанла да чертген эдиле аны. |
|
|
|
02.02.2009 03:53:45
Azamat
Тюз айта болурсуз, алай а, бек аманнга кетген болмазбыз алкъынчы, деб ышанама. Аллах кюч берсин миллетибизге. |
|
|
|
02.02.2009 04:10:39
Девушка Гор да экиби ушакъ эте тургъаныбызда джетеди себеб орнуна,)))
|
|
|
|
02.02.2009 04:18:52
Девушка гор мени сорууума уа жазыучула угъай, алимле окъуна толу жууап бералыкъ болмазла?
|
|
|
|
02.02.2009 04:21:07
Azamat
|
|
|
|
03.02.2009 02:59:02
Сау болсунла, бизни ушагъыбызгъа къошулгъан, къарачай-малкъар тилни сюйген, аны сакълагъан, джашатхан, айнытхан адамларыбыз!
|
|
|
|
Читают тему (гостей: 1)