- Аман адам элни бир-бирине джау этер.
- Ойнай-ойнай кёз чыгъар.
- Миллетни бойну – базыкъ, аны бла кюрешген – джазыкъ.
- Адеб джокъда, намыс джокъ.
- Суу ичген шауданынга тюкюрме.
- Эте билген, этген этеди, эте билмеген, юретген этеди!
- Ата Джуртун танымагъан, атасын да танымаз.
- Эки элинги тыйсанг, джети элде махталырса.
- Ышармагъан – кюлмез, кюлмеген – къууанчны билмез.
- Терек ауса, отунчу – кёб.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къызгъанчдан ычхыныр, мухардан ычхынмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Акъыл аздырмаз, билим тоздурмаз.
- Хар адамгъа кеси миннген тау кибик.
- Кёрмегеннге кебек – танг, битмегеннге сакъал – танг.
- Байлыкъ болгъан джерде, тынчлыкъ джокъду.
- Билмегенинги, билгеннге сор.
- Джаш болсун, къыз болсун, акъылы, саны тюз болсун.
- Уллу суу бла уллу ауруудан башынгы сакъла.
- Эркишиге тары кебек танг кёрюнюр.
- Баланы адам этген анады.
- Кёб джашагъан – кёб билир.
- Ишлерге уял да, ашаргъа табма.
- Ётюрюкден тюбю джокъ, кёлтюрюрге джиби джокъ.
- Къызбайны юйюне дери сюрсенг, батыр болур.
- Эртде тургъан бла эртде юйленнген сокъуранмаз.
- Ариу сёз – къылычдан джити.
- Игини сыйлагъан адетди.
- Хар зат кесини орнуна иги.
- Кёзню ачылгъаны – иги, ауузну джабылгъаны – иги.
- Тёрени джагъы джокъ.
- Aдам боллукъ, сыфатындан белгили.
- Ёксюзню къалачы уллу кёрюнюр.
- Джырчы джырчыгъа – къарнаш.
- Тешигини къатында, чычхан да батыр болур.
- Билими азны – ауузунда кирит.
- «Ма», - дегенни билмесенг, «бер», - дегенни билмезсе.
- Адамны бетине къарама, адетине къара.
- Ач келгенни – тойдур, кеч келгенни – къондур.
- Аз сёлешген, къайгъысыз турур.
- Бёрю да ач къалмасын, эчки да ашалмасын.
- Ауурну тюбю бла, дженгилни башы бла джюрюген.
- Билгенни къолу къарны джандырыр.
- Азыгъы аз, алгъа къабар, аты аман, алгъа чабар.
- Келлик заман – къартлыкъ келтирир, кетген заман – джашлыкъ ёлтюрюр.
- Намыс болмагъан джерде, насыб болмаз.
- Аджалсыз ёлюм болмаз.
- Суу кетер, таш къалыр.
- Керилген да, ургъан кибикди.
Ана тилде ушакъ: Къарачай-Малкъар тил бла литератураны бюгюнгю болуму
31.01.2009 16:38:47
Девушка Гор
Бек аламат иш этдинг Къараймада алай бош киши олтурмагъанды |
|
|
|
31.01.2009 17:14:48
Bulgar
Сабыр болугъуз. Унутуб къоймагъанма |
|
|
|
02.02.2009 03:36:47
Azamat
Къарачайдан, Россиядан тышында джашагъанла бизден эсе сакъдыла тиллерине дейдиле. Былайгъа джыйылгъанла да чертген эдиле аны. |
|
|
|
02.02.2009 03:53:45
Azamat
Тюз айта болурсуз, алай а, бек аманнга кетген болмазбыз алкъынчы, деб ышанама. Аллах кюч берсин миллетибизге. |
|
|
|
02.02.2009 04:10:39
Девушка Гор да экиби ушакъ эте тургъаныбызда джетеди себеб орнуна,)))
|
|
|
|
02.02.2009 04:18:52
Девушка гор мени сорууума уа жазыучула угъай, алимле окъуна толу жууап бералыкъ болмазла?
|
|
|
|
02.02.2009 04:21:07
Azamat
|
|
|
|
03.02.2009 02:59:02
Сау болсунла, бизни ушагъыбызгъа къошулгъан, къарачай-малкъар тилни сюйген, аны сакълагъан, джашатхан, айнытхан адамларыбыз!
|
|
|
|
Читают тему (гостей: 1)