- Ойнай билмеген, оюн бузар.
- Таула не мийик болсала да, аууш табылыр.
- Ётюрюкню башын керти кесер.
- Рысхы джалгъанды: келген да этер, кетген да этер.
- Гырджын – тепсини тамадасы.
- Джолунга кёре – джюрюшюнг, джагъанга кёре – юлюшюнг.
- Эм ашхы къайын ана мамукъ бла башынгы тешер.
- Кийим тукъум сордурур.
- Ариу сёз – джаннга азыкъ, аман сёз – башха къазыкъ.
- Адамны сыфатына къарама, сёзюне къара.
- От кюйдюрген, сау болса да, тот кюйдюрген, сау болмаз.
- Тёзгеннге, джабылгъан эшик ачылыр.
- Джыгъылгъанны сырты джерден тоймаз.
- Ишленмеген джаш – джюгенсиз ат, ишленмеген къыз – тузсуз хант.
- Чомартха хар кюн да байрамды.
- Къартха ушагъан джаш – акъыллы, джашха ушагъан къарт – тели.
- Иги адамны бир сёзю эки болмаз.
- Джашда акъыл джокъ, къартда къарыу джокъ.
- Адам сёзге тынгыла, акъыл сёзню ангыла.
- Адам туугъан джеринде, ит тойгъан джеринде.
- Орундукъ тюбюнде атылсам да, орта джиликме, де да айлан.
- Аджаллыгъа окъсуз шкок атылыр.
- Джигер – джаннга къыйынлыкъ.
- Дуния аламаты сен эсенг да, игиме деб айтма.
- Мени джылытмагъан кюн, меннге тиймесин!
- Бозанг болмагъан джерге, къалагъынгы сукъма.
- Джумушакъ терекни къурт ашар.
- Тилчи тилден къаныкъмаз.
- Тамырсыз терекге таянма – джыгъылырса.
- Къайтырыкъ эшигинги, къаты уруб чыкъма.
- Биреу ашаб къутулур, биреу джалаб тутулур.
- Ишин билген, аны сыйын чыгъарады.
- Ашхылыкъ джерде джатмайды, аманлыкъ суугъа батмайды.
- Кеси юйюмде мен да ханма.
- Айтхан – тынч, этген – къыйын.
- Алтыда кюлмеген, алтмышда кюлмез.
- Уллу суу бла уллу ауруудан башынгы сакъла.
- Тели турса – той бузар.
- Ёзденликни джайгъан – джокълукъ.
- Чыбыкълыкъда бюгюлмеген, къазыкълыкъда бюгюлмей эди.
- Иги сёз – джаннга азыкъ, аман сёз башха – къазыкъ.
- Итли къонакъ джарашмаз.
- Ёпкелегенни ашы татлы болады.
- Уллу айтханны этмеген – уллаймаз.
- Эшекге миннген – биринчи айыб, андан джыгъылгъан – экинчи айыб.
- Тамбла алтындан бюгюн багъыр ашхы.
- Кёб джашагъан – кёб билир.
- Айранны сюйген, ийнек тутар.
- Акъыллы – эл иеси, тели – эл баласы.
- Сёз – кюмюш, джыр – алтын.
- ЗФ - Ана тилибизде
Темы |
Ответы | Просмотры | Обновление | |
|---|---|---|---|---|
| 5 | 3266 | |||
| 28 | 12059 | |||
| 15 | 9946 | |||
| 7 | 3806 | |||
|
КЕЛИГИЗ ДЖЫРЛАЙЫКЪ (, , ... )
|
348 | 34861 | ||
| 6 | 3968 | |||
|
Къарачай-малкъар халкъны нарт сёзлери (, , ... )
|
449 | 34198 | ||
| 17 | 7546 | |||
| 7 | 2913 | |||
| 3 | 11888 | |||
|
Къарачай джырла! (, , ... )
|
151 | 26975 | ||
| 196 | 30402 | |||
|
Джел сюймеклик... (, , )
|
70 | 14651 | ||
|
Келигиз, тил байлыгъыбызны сакълайыкъ! (, , ... )
|
1529 | 82467 | ||
|
Чам хапарла (, , ... )
|
297 | 28410 | ||
| 50 | 11603 | |||
| 21 | 5833 | |||
| 30 | 17017 | |||
| 7 | 3684 | |||
| 5 | 3723 | |||
| 40 | 12405 | |||
| 10 | 4712 | |||
| 55 | 14239 | |||
| 1025 | 51378 | |||
Сейчас на форуме (гостей: 1)