- Эркиши – от, тиширыу – суу.
- Мухардан ач ычхынмаз.
- Бети къызарыучу адамны, джюреги харам болмаз.
- Дуния малгъа сатылма, кесингден телиге къатылма.
- Ишлемеген – тишлемез.
- Минг тенг да азды, бир джау да кёбдю.
- Чомартха хар кюн да байрамды.
- Билимден уллу байлыкъ джокъду.
- Джылыгъа джылан илешир.
- Насыб бютеу халкъны юлюшюдю.
- Чакъырылмай келген къонакъ сыйланмай кетер.
- Ана къойну – балагъа джандет.
- Кёлю джокъну – джолу джокъ.
- Ат да турмайды бир териде.
- Чакъырылмагъан къонакъ тёрге атламаз.
- Терек ауса, отунчу – кёб.
- Чалманны аллы къалай башланса, арты да алай барады.
- Таукел къуру къалмаз.
- Байдан умут эте, джарлыдан ёгюз багъасы къорады.
- Чакъырылмагъан къонакъ къачан кетерин сормаз.
- «Ма», - дегенни билмесенг, «бер», - дегенни билмезсе.
- Сютден ауузу кюйген, суугъа юфгюре эди.
- Экиндини кеч къылсанг, чабыб джетер ашхам.
- Мадар болса, къадар болур.
- Тыш элде солтан болгъандан эсе, кесинги элде олтан болгъан игиди!
- Суугъа – таянма, джаугъа – ийнанма.
- Чакъырылмагъан къонакъ – орунсуз.
- Биреуге аманлыкъ этиб, кесинге игилик табмазса.
- Чыкълы кюнде чыкъмагъан, чыкъса къуру кирмеген.
- Джукъу тёшек сайламайды.
- Айырылмаз джууугъунга, унутмаз сёзню айтма.
- Къарыусузгъа кюлме, онгсузгъа тийме.
- Ашхы атаны – джашы ашхы, ашхы ананы – къызы ашхы.
- Бал ашаргъа сюе эсенг, чибин ургъаннга тёз.
- Рысхы – сют юсюнде кёмюк кибикди.
- Ишлерге уял да, ашаргъа табма.
- Биреуге аманлыкъны тилеме да, кесинге ашхылыкъны тиле.
- Аз айтсам, кёб ангылагъыз.
- Чакъырылмагъан джерге барма, чакъырылгъан джерден къалма.
- Аякъларынгы джууургъанынга кёре узат.
- Бал чибинни ургъаны – ачы, балы – татлы.
- Ана къолу ачытмаз.
- Кёбге таш атма.
- Кийимни бичсенг, кенг бич, тар этген къыйын тюлдю.
- Махтаннган къыз, тойда джукълар.
- Къонакъ аман болса, къонакъбай джунчур
- Айран ичген – къутулду, джугъусун джалагъан – тутулду.
- Адам къаллай бир ишленмесе, аллай бир кесин уллу кёреди.
- Джол бла сёзню къыйыры джокъ.
- Халкъны юйю – туугъан джери.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)