- Кёб къычыргъандан – къоркъма, тынч олтургъандан – къоркъ.
- Кечеси – аяз, кюню – къыш, джарлы къаргъагъа бир аш тюш!
- Дуния малгъа сатылма, кесингден телиге къатылма.
- Биреуню тёрюнден, кесинги эшик артынг игиди.
- Окъуусуз билим – джокъ, билимсиз кюнюнг – джокъ.
- Тойгъанлыкъ къойгъа джарашады.
- Тойгъан джерден туугъан джер игиди.
- Окъуу – билимни ачхычы, окъуу – дунияны бачхычы.
- Джогъун бар этген, барын бал этген.
- Ач отунчуну ачыуу – бурнунда.
- Мухарны эси – ашарыкъда.
- Окъумагъан сокъурду, сокъур ташха абыныр!
- Биреуге кёлтюрген таягъынг, кесинги башынга урур.
- Этни да ашады, бетни да ашады.
- Адам къыйынлыгъын кёлтюрюр, зауукълугъун кёлтюрмез.
- Билмезни кёзю кёрмез, этмезни къулагъы эшитмез.
- Алтыда кюлмеген, алтмышда кюлмез.
- Адамны артындан къара сабан сюрме.
- Уруну арты – къуру.
- Окъ къызбайны джокълайды.
- Окъугъанны бети джарыкъ.
- Шайтан алдады, тюзлюк къаргъады.
- Экеу тутушса, биреу джыгъылыр.
- Урунуу – насыбны анасы.
- Ойнай-ойнай кёз чыгъар.
- Джангызны оту джарыкъ джанмаз!
- Аманнга алтын чыдамаз.
- Намыс болмагъан джерде, насыб болмаз.
- Айтханы чапыракъдан ётмеген.
- Аманны тукъумуна къарама, игини тукъумун сорма.
- Эртде тургъан джылкъычыны эркек аты тай табар.
- Ариу джол аджал келтирмез.
- Ашатыргъа иш – ашхы, ишлетирге аш – ашхы.
- Айранын берсенг, челегин да къызгъанма.
- Окъдан джара эртде-кеч болса да бителир, сёз джара, ёмюрге къалыр.
- Аджашхан тёгерек айланыр.
- Намыс сатылыб алынмайды.
- Билимли ёлмез, билимсиз кёрмез.
- Джигер – джаннга къыйынлыкъ.
- Билим къая тешер.
- Таукелге нюр джауар.
- Джарлы тюеге минсе да, ит къабар.
- Къыйынлы джети элге оноу этер.
- Гугурук къычырмаса да, тангны атары къалмаз.
- Атлыны кёрсе, джаяуну буту талыр.
- Баш – акъыл ючюн, акъылман – халкъ ючюн.
- Къарт бла баш аша, джаш бла аякъ аша.
- Ушамагъан – джукъмаз.
- Юйлю уругъа ит чабмаз.
- Игилик игилик бла сингдирилиучю затды.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)