- Билим ат болуб да чабар, къуш болуб да учар.
- Таукелге нюр джауар.
- Чомартха Тейри да борчлуду.
- Юреннген ауруу къалмаз.
- Башынга джетмегенни сорма.
- Баланы адам этген анады.
- Уллу сёлешме да, уллу къаб.
- Ханнга да келеди хариблик.
- Борчунг бар эсе, хурджунунга ойлаб узал.
- Азыкъ аз болса, эртде орун сал.
- Иги болса, тамадама – махтау, аман болса, меннге – айыб.
- Билимли ёлмез, билимсиз кёрмез.
- Эринчекге кюн узун.
- Эркишини аманы тиширыуну джылатыр.
- Тёзгеннге, джабылгъан эшик ачылыр.
- Ашатыргъа иш – ашхы, ишлетирге аш – ашхы.
- Иги адам абынса да, джангылмаз.
- Мени джылытмагъан кюн, меннге тиймесин!
- Ким бла джюрюсенг, аны кёзю бла кёрюнюрсе.
- Киштикге къанат битсе, чыпчыкъ къалмаз эди.
- Аман хансны – урлугъу кёб.
- Ач къалгъандан, кеч къалгъан къолай.
- Ашлыкъ – бюртюкден, джюн – тюкден.
- Чакъырылмагъан къонакъ – орунсуз.
- Тойну къарнашы – харс, джырны къарнашы – эжиу.
- Билмезни кёзю кёрмез, этмезни къулагъы эшитмез.
- Ёлген эшек бёрюден къоркъмайды.
- Джашлыкъ этмеген, башлыкъ этмез.
- Уллу къазанда бишген эт, чий къалмаз.
- Адамны бетине къарама, адетине къара.
- Мал ёлсе, сюек къалыр, адам ёлсе, иши къалыр.
- Кенгеш болса, уруш болмаз.
- Кёбге таш атма.
- Тёрдеги кюлсе, эшикдеги ышарыр.
- Чомартха хар кюн да байрамды.
- Ашына кёре табагъы, балына кёре къалагъы.
- Дууулдаса – бал чибин, къонса – къара чибин.
- Нафысынгы айтханын этме, намысынгы айтханын эт.
- Акъыллы эркиши атын махтар, акъылсыз эркиши къатынын махтар.
- Ариу джол аджал келтирмез.
- Ата Джуртуму башы болмасам да, босагъасында ташы болайым.
- Джукъу тёшек сайламайды.
- Билеги кючлю, бирни джыгъар, билими кючлю, мингни джыгъар.
- Хата – гитчеден.
- Джырына кёре эжиую.
- Бюгюн дуния кибик, тамбла ахыратды.
- Ата Джуртча джер болмаз, туугъан элча эл болмаз.
- Таугъа чыгъаллыкъ эсенг, тюзде къалма.
- Джюз элде джюз ёгюзюм болгъандан эсе, джюз джууугъум болсун.
- Рысхы джалгъанды: келген да этер, кетген да этер.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)