- Термилгенинги табмазса, кюлгенинге тюберсе.
- Акъыл бла адеб эгизледиле.
- Ёлюр джаннга, ёкюл джокъ.
- Эл ауузу – элия.
- Джашны джигитлиги сорулур, къызны джигерлиги сорулур.
- Накъырда – кертини келечиси.
- Азыкъ аз болса, эртде орун сал.
- Нёгер болсанг, тенг бол, тенг болмасанг, кенг бол.
- Хазыр ашха – терен къашыкъ.
- Нарт сёз къарт болмаз.
- Этни бети бла шорпасы.
- Аман хансны – урлугъу кёб.
- Джарашыу сюйген – джалынчакъ.
- Билмейме деген – бир сёз
- Къарнынг къанлынга кийирир.
- Aдам боллукъ, сыфатындан белгили.
- Айран тёгюлсе, джугъусу къалыр.
- Айраннга суу къош, телиге джол бош.
- Эл ауузу – элек, анга ийнаннган – халек.
- Ёзденликни кёбю ётюрюк.
- Къатын къылыкъсыз, эр тынчлыкъсыз.
- Арыгъан къош чамчы болур.
- Элде адам къалмаса, ит тахтагъа минер.
- Гитче джилтин уллу элни джандырыр.
- Тёзгеннге, джабылгъан эшик ачылыр.
- Айран ичген – къутулду, джугъусун джалагъан – тутулду.
- Адамны бетине къарама, адетине къара.
- Къайтырыкъ эшигинги, къаты уруб чыкъма.
- Тойчу джашха къарама, къойчу джашха къара.
- Ата Джуртуму башы болмасам да, босагъасында ташы болайым.
- Ханы къызы буюгъа-буюгъа киштик болду.
- Адебсиз адам – джюгенсиз ат.
- Мал кёб болса, джууукъ кёб болур.
- Билеги кючлю, бирни джыгъар, билими кючлю, мингни джыгъар.
- Ач келгенни – тойдур, кеч келгенни – къондур.
- Ауругъанны сау билмез, ач къарынны токъ билмез.
- Къарын къуру болса, джюрек уру болур.
- Айранны сюйген, ийнек тутар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёгюзню мюйюзлери ауурлукъ этмейдиле.
- Джашда акъыл джокъ, къартда къарыу джокъ.
- Къазанны башы ачыкъ болса, итге уят керекди.
- Болджал ишни бёрю ашар.
- Эки итни арасына сюек атма, эки адамны арасында сёз чыгъарма.
- Чёбню кёлтюрсенг, тюбюнден сёз чыгъар.
- Иги сеники эсе да, сюйген кесимикин этеме.
- Борчунг бар эсе, хурджунунга ойлаб узал.
- Тойгъан антын унутур.
- Къоркъакъны кёзю экили кёрюр.
- Ишлегенде эринме, ишде чолакъ кёрюнме.
Ана тилде ушакъ: Къарачай-Малкъар тил бла литератураны бюгюнгю болуму
31.01.2009 16:38:47
Девушка Гор
Бек аламат иш этдинг Къараймада алай бош киши олтурмагъанды |
|
|
|
31.01.2009 17:14:48
Bulgar
Сабыр болугъуз. Унутуб къоймагъанма |
|
|
|
02.02.2009 03:36:47
Azamat
Къарачайдан, Россиядан тышында джашагъанла бизден эсе сакъдыла тиллерине дейдиле. Былайгъа джыйылгъанла да чертген эдиле аны. |
|
|
|
02.02.2009 03:53:45
Azamat
Тюз айта болурсуз, алай а, бек аманнга кетген болмазбыз алкъынчы, деб ышанама. Аллах кюч берсин миллетибизге. |
|
|
|
02.02.2009 04:10:39
Девушка Гор да экиби ушакъ эте тургъаныбызда джетеди себеб орнуна,)))
|
|
|
|
02.02.2009 04:18:52
Девушка гор мени сорууума уа жазыучула угъай, алимле окъуна толу жууап бералыкъ болмазла?
|
|
|
|
02.02.2009 04:21:07
Azamat
|
|
|
|
03.02.2009 02:59:02
Сау болсунла, бизни ушагъыбызгъа къошулгъан, къарачай-малкъар тилни сюйген, аны сакълагъан, джашатхан, айнытхан адамларыбыз!
|
|
|
|
Читают тему (гостей: 1)