- Айраннга суу къош, телиге джол бош.
- Сормай – алма, чакъырылмай – барма.
- Ашха уста, юйюнде болсун
- Сагъыш – къартлыкъгъа сюйюмчю.
- Къатыны харакетли болса, эри къымсыз болур.
- Артына баргъанны, къатына барма.
- Ата Джуртуму башы болмасам да, босагъасында ташы болайым.
- Башынга джетмегенни сорма.
- Адам къаллай бир ишленмесе, аллай бир кесин уллу кёреди.
- Джашда акъыл джокъ, къартда къарыу джокъ.
- Аманнга алтын чыдамаз.
- Адамны сыфатына къарама, сёзюне къара.
- Илму – джашауну джолу.
- Къайтырыкъ эшигинги, къаты уруб чыкъма.
- Хар ишни да аллы къыйынды.
- Джашынгы кесинг юретмесенг, джашау юретир.
- Ишлерге уял да, ашаргъа табма.
- Агъач халкъгъа алтынды, иссиликге салкъынды.
- Мураты болгъанны джюрек тебюую башхады.
- Сагъышы джокъ – джукъучу, акъылы джокъ – къаугъачы.
- Адам туугъан джеринде, ит тойгъан джеринде.
- Къарны аманнга къазан такъдырма, къолу аманнга от джакъдырма.
- Итли къонакъ джарашмаз.
- Болджал ишни бёрю ашар.
- Башы ишлегенни, ауузу да ишлер.
- Адамны артындан къара сабан сюрме.
- Ачылгъан эт джабылыр, кёрген кёз унутмаз.
- Къарнынг къанлынга кийирир.
- Джаш болсун, къыз болсун, акъылы, саны тюз болсун.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхы болсанг, атынг чыгъар, аман болсанг, джанынг чыгъар.
- Акъдан къара болмаз.
- Айран тёгюлсе, джугъусу къалыр.
- Баш болса, бёрк табылыр.
- Хата – гитчеден.
- Эки къатын алгъан – эки ташны ортасына башын салгъан.
- Чомарт къонакъ юй иесин сыйлар.
- Джылкъыдан – ат чыгъар, тукъумдан – джаш чыгъар.
- Ашда уялгъан – мухар, ишде уялгъан – хомух.
- Билгенни къолу къарны джандырыр.
- Рысхы – сют юсюнде кёмюк кибикди.
- Рысхысына кёре, джаш ёсер, къышлыгъына кёре, мал ёсер.
- Эрни эр этерик да, къара джер этерик да, тиширыуду.
- Таула не мийик болсала да, аууш табылыр.
- Къыз тиширыу кеси юйюнде да къонакъды.
- Окъуу – билимни ачхычы, окъуу – дунияны бачхычы.
- Таукел адам тау тешер.
- Тойну къарнашы – харс, джырны къарнашы – эжиу.
- Зарда марда джокъ.
- Биреуню тёрюнден, кесинги эшик артынг игиди.
Ана тилде ушакъ: Къарачай-Малкъар тил бла литератураны бюгюнгю болуму
31.01.2009 16:38:47
Девушка Гор
Бек аламат иш этдинг Къараймада алай бош киши олтурмагъанды |
|
|
|
31.01.2009 17:14:48
Bulgar
Сабыр болугъуз. Унутуб къоймагъанма |
|
|
|
02.02.2009 03:36:47
Azamat
Къарачайдан, Россиядан тышында джашагъанла бизден эсе сакъдыла тиллерине дейдиле. Былайгъа джыйылгъанла да чертген эдиле аны. |
|
|
|
02.02.2009 03:53:45
Azamat
Тюз айта болурсуз, алай а, бек аманнга кетген болмазбыз алкъынчы, деб ышанама. Аллах кюч берсин миллетибизге. |
|
|
|
02.02.2009 04:10:39
Девушка Гор да экиби ушакъ эте тургъаныбызда джетеди себеб орнуна,)))
|
|
|
|
02.02.2009 04:18:52
Девушка гор мени сорууума уа жазыучула угъай, алимле окъуна толу жууап бералыкъ болмазла?
|
|
|
|
02.02.2009 04:21:07
Azamat
|
|
|
|
03.02.2009 02:59:02
Сау болсунла, бизни ушагъыбызгъа къошулгъан, къарачай-малкъар тилни сюйген, аны сакълагъан, джашатхан, айнытхан адамларыбыз!
|
|
|
|
Читают тему (гостей: 1)