- Къызгъанчдан ычхыныр, мухардан ычхынмаз.
- Къралынгы – душмандан, башынгы от бла суудан сакъла.
- Бозаны арты дауур болур.
- Къонакъ хазыр болгъанлыкъгъа, къонакъбай хазыр тюлдю.
- Мадар болса, къадар болур.
- Эшекге миннген – биринчи айыб, андан джыгъылгъан – экинчи айыб.
- Джашда акъыл джокъ, къартда къарыу джокъ.
- Аллахдан тилесенг, кёб тиле.
- Окъдан джара эртде-кеч болса да бителир, сёз джара, ёмюрге къалыр.
- Джырчы джырчыгъа – къарнаш.
- Ашда уялгъан – мухар, ишде уялгъан – хомух.
- Ашхы сёз таш тешер.
- Ёгюзню мюйюзлери ауурлукъ этмейдиле.
- Юре билмеген ит, къонакъ келтирир.
- Кёл ашады да, кеси ашады.
- Бир абыннган – минг сюрюнюр.
- Ашыкъгъанны этеги бутуна чырмалыр.
- Къаллай салам берсенг, аллай джууаб алырса.
- Эли джокъну – кёлю джокъ.
- Чыбыкълыкъда бюгюлмеген, къазыкълыкъда бюгюлмей эди.
- Ушамагъан – джукъмаз.
- Эринчекге кюн узун.
- Таукел къуру къалмаз.
- Окъуусуз билим – джокъ, билимсиз кюнюнг – джокъ.
- Нафысынгы айтханын этме, намысынгы айтханын эт.
- Накъырда – кертини келечиси.
- Борчунг бар эсе, хурджунунга ойлаб узал.
- Ач уят къоймаз.
- Къыз тиширыу кеси юйюнде да къонакъды.
- Нёгер болсанг, тенг бол, тенг болмасанг, кенг бол.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джаш болсун, къыз болсун, акъылы, саны тюз болсун.
- Кютгени беш эчки, сызгъыргъаны уа, джерни джарады.
- Бермеген къол, алмайды.
- Кюл тюбюндеги от кёрюнмейди.
- Кёб джашагъан – кёб билир.
- Кёбге таш атма.
- Ашхы болсанг, атынг чыгъар, аман болсанг, джанынг чыгъар.
- Джашынгы кесинг юретмесенг, джашау юретир.
- Тёзген – тёш ашар!
- «Ёгюз, джаргъа джууукъ барма, меннге джюк боллукъса», - дегенди эшек.
- Соргъан айыб тюлдю, билмеген айыбды.
- Адамны аты башхача, акъылы да башхады.
- Тамырсыз терекге таянма – джыгъылырса.
- Ач отунчуну ачыуу – бурнунда.
- Билим – акъылны чырагъы.
- Аякъларынгы джууургъанынга кёре узат.
- Халкъгъа джарагъан, джарлы къалмаз.
- Ачыу алгъа келсе, акъыл артха къалады.
- Аджал соруб келмез, келсе, къайтыб кетмез.
Ана тилде ушакъ: Къарачай-Малкъар тил бла литератураны бюгюнгю болуму
31.01.2009 16:38:47
Девушка Гор
Бек аламат иш этдинг Къараймада алай бош киши олтурмагъанды |
|
|
|
31.01.2009 17:14:48
Bulgar
Сабыр болугъуз. Унутуб къоймагъанма |
|
|
|
02.02.2009 03:36:47
Azamat
Къарачайдан, Россиядан тышында джашагъанла бизден эсе сакъдыла тиллерине дейдиле. Былайгъа джыйылгъанла да чертген эдиле аны. |
|
|
|
02.02.2009 03:53:45
Azamat
Тюз айта болурсуз, алай а, бек аманнга кетген болмазбыз алкъынчы, деб ышанама. Аллах кюч берсин миллетибизге. |
|
|
|
02.02.2009 04:10:39
Девушка Гор да экиби ушакъ эте тургъаныбызда джетеди себеб орнуна,)))
|
|
|
|
02.02.2009 04:18:52
Девушка гор мени сорууума уа жазыучула угъай, алимле окъуна толу жууап бералыкъ болмазла?
|
|
|
|
02.02.2009 04:21:07
Azamat
|
|
|
|
03.02.2009 02:59:02
Сау болсунла, бизни ушагъыбызгъа къошулгъан, къарачай-малкъар тилни сюйген, аны сакълагъан, джашатхан, айнытхан адамларыбыз!
|
|
|
|
Читают тему (гостей: 3)