- Адам сёзюнден белгили.
- Зар адамны насыбы болмаз.
- Джаш къарыу бла кючлю, къарт акъыл бла кючлю.
- Кеси юйюмде мен да ханма.
- Этек чакъмакълары баш джаргъан, сёлешген сёзлери таш джаргъан.
- Сютню башын джалагъан къутулур, тюбюн ичген тутулур.
- Биреуге кёлтюрген таягъынг, кесинги башынга урур.
- Кийимни бир кюнню аясанг, минг кюннге джарар.
- Чомарт къолда мал къалмаз.
- Чоюнну башы ачыкъ болса, итге уят керекди.
- Джаханимни кёрмей, джандетге кёл салмазса.
- Кюл тюбюндеги от кёрюнмейди.
- Ач – эснер, ат – кишнер.
- Сибиртки да сыйлы болду, кюрек да кюнлю болду.
- Ашда уялгъан – мухар, ишде уялгъан – хомух.
- Ауругъанны сау билмез, ач къарынны токъ билмез.
- Дууулдаса – бал чибин, къонса – къара чибин.
- Азыкъ аз болса, эртде орун сал.
- Ашхы атаны – джашы ашхы, ашхы ананы – къызы ашхы.
- Джарлы тюеге минсе да, ит къабар.
- Бек анасы джыламаз.
- Тёзгеннге, джабылгъан эшик ачылыр.
- Айтхан сёзюне табылгъан.
- Сёлеш деб шай берген, тохта деб, сом берген.
- Мухардан ач ычхынмаз.
- Къарын къуру болса, джюрек уру болур.
- Тин – байлыгъынг, терен саулугъунг.
- Окъугъан – асыу, окъумагъан – джарсыу.
- Аууздан келген, къолдан келсе, ким да патчах болур эди.
- Таукелге нюр джауар.
- Айырылгъанланы айю ашар, бёлюннгенлени бёрю ашар.
- Чабакъ башындан чирийди.
- Кёзден кетген, кёлден да кетеди.
- Билмейме деген – бир сёз
- Къонакъ кёб келюучю юйню, къазаны отдан тюшмез.
- Хансыз джомакъ болмаз.
- Бюгюн дуния кибик, тамбла ахыратды.
- Тюз сёз баргъан сууну тыяр.
- Бёрю да ач къалмасын, эчки да ашалмасын.
- Уллу къазанда бишген эт, чий къалмаз.
- Алма терегинден кери кетмез.
- Онгсузну – джакъла, тенгликни – сакъла.
- Тай асырагъан, атха минер.
- Къонакъны къачан кетерин сорма, къачан келлигин сор.
- Къатыны харакетли болса, эри къымсыз болур.
- Босагъа таш юйге кирмей эди, тыбыр таш эшикге чыкъмай эди.
- Ишлегенден, къарагъан уста.
- Арыгъан къош чамчы болур.
- Ёмюрлюк шохлукъну джел элтмез.
- Чомартны къолу берекет.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)