- Сёз садакъдан кючлюдю.
- Джылкъыдан – ат чыгъар, тукъумдан – джаш чыгъар.
- Хар зат кесини орнуна иги.
- Кёзюнде тереги болгъан, чёбю болгъаннга кюле эди.
- Аш кетер да бет къалыр.
- Къошда джокъгъа – юлюш джокъ.
- Ёксюзню къалачы уллу кёрюнюр.
- Гугурук къычырмаса да, тангны атары къалмаз.
- Алгъанда – джууукъ, бергенде – джау.
- Эки ойлашыб, бир сёлешген.
- Битмегеннге сакъал – танг.
- Къонакъ аман болса, къонакъбай джунчур
- Аууздан келген, къолдан келсе, ким да патчах болур эди.
- Тамырсыз терекге таянма – джыгъылырса.
- Тюзню ётмеги тюзде къалса да, тас болмаз.
- Татлы тилде – сёз ариу, чемер къолда – иш ариу.
- Сагъыш – къартлыкъгъа сюйюмчю.
- Насыблы элин сюер, насыбсыз кесин сюер.
- Джиби бир къат джетмей эди да, эки къат тарта эди.
- Кюн – узун, ёмюр – къысха.
- Телиге от эт десенг, юйюнге от салыр.
- Биреу ашаб къутулур, биреу джалаб тутулур.
- Джахил болса анасы, не билликди баласы?
- Чабакъгъа акъыл, табагъа тюшсе келеди.
- Арбаз къынгырды да, ийнек сауалмайма.
- Бети къызарыучу адамны, джюреги харам болмаз.
- Акъыллы башны – тили къысха.
- Мураты болгъанны джюрек тебюую башхады.
- Джырына кёре эжиую.
- Кюн кёрмеген, кюн кёрсе, кюндюз чыракъ джандырыр.
- Эл элде бирер малынг болгъандан эсе, бирер тенгинг болсун.
- Джолунга кёре – джюрюшюнг, джагъанга кёре – юлюшюнг.
- Уллу къашыкъ эрин джыртар.
- Атадан ёксюз – бир ёксюз, анадан ёксюз – эки ёксюз.
- Кечеси – аяз, кюню – къыш, джарлы къаргъагъа бир аш тюш!
- Дженгил джетерикме деб, узун джолну къоюб, къысхасын барма.
- Бетинги сатма, малынгы сат.
- Хазыр ашха – терен къашыкъ.
- Итли къонакъ джарашмаз.
- Айтхан – тынч, этген – къыйын.
- Юйюнг бла джау болгъандан эсе, элинг бла джау бол.
- Джюрекге ариу – кёзге да ариу.
- Айырылмаз джууугъунга, унутмаз сёзню айтма.
- Кимни – тили, тиши онглу, кимни – къолу, иши онглу.
- Аууз сакълагъан – джан сакълар.
- Джол бла сёзню къыйыры джокъ.
- Адеб джокъда, намыс джокъ.
- Бек анасы джыламаз.
- Эри аманны, къатыны – аман.
- Уллу айтханны этмеген – уллаймаз.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)