- Ашатыргъа иш – ашхы, ишлетирге аш – ашхы.
- Къууут – джелге, берне – бошха.
- Этек чакъмакълары баш джаргъан, сёлешген сёзлери таш джаргъан.
- Оюмсуз атлагъан, аджалсыз ёлюр.
- Джюрекден джюрекге джол барды.
- Урунуу – насыбны анасы.
- Минг тенг да азды, бир джау да кёбдю.
- Чомарт къолда мал къалмаз.
- Соргъан айыб тюлдю, билмеген айыбды.
- Баш болса, бёрк табылыр.
- Кёзню ачылгъаны – иги, ауузну джабылгъаны – иги.
- Ач къарным, тынч къулагъым.
- Тилчи тилден къаныкъмаз.
- Сютню башын джалагъан къутулур, тюбюн ичген тутулур.
- Аманнга да, игиге да оноусуз къатышма.
- Арыгъан къош чамчы болур.
- Къонакъ аман болса, къонакъбай джунчур
- Ашарыкъда сайлагъаннга – чий гырджын.
- Эртде тургъан бла эртде юйленнген сокъуранмаз.
- Иги сёз – джаннга азыкъ, аман сёз башха – къазыкъ.
- Джырчы ёлсе, джыры къалыр.
- Къыз келсе, джумуш эте келеди, къатын келсе, ушакъ эте келеди.
- Байны къызы баймакъ болса да, юйде къалмаз!
- Ариу сёз аурууунгу алыр.
- Ачлыкъ отха секиртир.
- Тамбла алтындан бюгюн багъыр ашхы.
- Кёл – къызбай, къол – батыр.
- Юреннген ауруу къалмаз.
- Экиндини кеч къылсанг, чабыб джетер ашхам.
- Мал ёлсе, сюек къалыр, адам ёлсе, иши къалыр.
- Кенгеш болса, уруш болмаз.
- Аш кетер да бет къалыр.
- Къарнынг къанлынга кийирир.
- Эр сокъур болсун, къатын тилсиз болсун.
- Ашын ашагъанынгы, башын да сыйла.
- Рысхы – сют юсюнде кёмюк кибикди.
- Атлыны ашхысы, ат тизгининден билинир
- Аджал соруб келмез, келсе, къайтыб кетмез.
- Къонакъны къачан кетерин сорма, къачан келлигин сор.
- Мухар, кеси тойса да, кёзю тоймаз.
- Терек ауса, отунчу – кёб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эрине къаргъыш этген къатын, эрнин къабар.
- Эшекге миннген – биринчи айыб, андан джыгъылгъан – экинчи айыб.
- Къатын байлыкъны сюер, эр саулукъну сюер.
- Аманны эки битли тону болур, бирин сеннге кийдирир, бирин кеси киер.
- Кёкдеги болмаса, джердегин кёрмейди.
- Хазыр ашха – терен къашыкъ.
- Нафысынгы айтханын этме, намысынгы айтханын эт.
- Насыблы элин сюер, насыбсыз кесин сюер.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)