- Кийимни бичсенг, кенг бич, тар этген къыйын тюлдю.
- Джангыз терек къынгыр ёсер.
- Адам боллукъ, атламындан белгили болур.
- Эр сокъур болсун, къатын тилсиз болсун.
- Биреу ашаб къутулур, биреу джалаб тутулур.
- Намысы джокъну – дуниясы джокъ.
- Гугук кесини атын айтыб къычыргъанча, мен, мен деб нек тураса?
- Тёгюлген тюгел джыйылмайды.
- Къарт айтханны этмеген, къартаймаз.
- Бозанг болмагъан джерге, къалагъынгы сукъма.
- Иги болса, тамадама – махтау, аман болса, меннге – айыб.
- Иги сеники эсе да, сюйген кесимикин этеме.
- Аман къатын алгъан, арыр, иги къатын алгъан джарыр.
- Сагъыш – къартлыкъгъа сюйюмчю.
- Кюл тюбюндеги от кёрюнмейди.
- Къыйынлы джети элни къайгъысын этер.
- Халкъны юйю – туугъан джери.
- Тюзню ётмеги тюзде къалса да, тас болмаз.
- Бети къызарыучу адамны, джюреги харам болмаз.
- Тамбла алтындан бюгюн багъыр ашхы.
- Булут кёкге джарашыу, уят бетге джарашыу.
- Хоншуну тауугъу къаз кёрюнюр, келини къыз кёрюнюр.
- Ёксюзню къалачы уллу кёрюнюр.
- Къулакъдан эсе, кёзге ышан.
- Ашлыкъны арба юйге келтирир, чана базаргъа элтир.
- Тулпарлыкъ, билекден тюл – джюрекден.
- Айран тёгюлсе, джугъусу къалыр.
- Кёзю сокъурдан – къоркъма, кёлю сокъурдан – къоркъ.
- Сёз – кюмюш, джыр – алтын.
- Кёбден умут этиб, аздан къуру къалма.
- Кюлме джашха – келир башха.
- Аууздан келген, къолдан келсе, ким да патчах болур эди.
- Эрине къаргъыш этген къатын, эрнин къабар.
- Ауругъан – джашаудан умутчу.
- Билимсиз иш бармаз.
- Ата – баланы уясы.
- Накъырданы арты керти болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Къартха ушагъан джаш – акъыллы, джашха ушагъан къарт – тели.
- Тели турса – той бузар.
- Ата Джуртча джер болмаз, туугъан элча эл болмаз.
- Билмегенинги, билгеннге сор.
- Айтханы чапыракъдан ётмеген.
- Ёлмесенг да, къарт дамы болмазса?
- Гитче джилтин уллу элни джандырыр.
- Кесине оноу эте билмеген, халкъына да эте билмез.
- Этни бети бла шорпасы.
- Джигер – джаннга къыйынлыкъ.
- Аман эсирсе, юйюн ояр.
- Джашлыкъ этмеген, башлыкъ этмез.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)