- Джетген къыз джерли эшекни танымаз.
- Аз сёлеш, кёб ишле.
- Баш болса, бёрк табылыр.
- «Ма», - дегенни билмесенг, «бер», - дегенни билмезсе.
- Тау башында, тау болмаз, джангыз терек, бау болмаз.
- Тойгъан антын унутур.
- Сакъалы текени да бар, мыйыгъы киштикни да бар.
- Дууулдаса – бал чибин, къонса – къара чибин.
- Суу кетер, таш къалыр.
- Намыс сатылыб алынмайды.
- Хантына кёре тузу, юйюне кёре къызы.
- Уллу атлама – абынырса, уллу къабма – къарылырса.
- Мухардан ач ычхынмаз.
- Адам боллукъ, атламындан белгили болур.
- Джыгъылгъанны сырты джерден тоймаз.
- Аманнга алтын чыдамаз.
- Дуния мал дунияда къалады.
- Таугъа чыгъаллыкъ эсенг, тюзде къалма.
- Биреуге аманлыкъны тилеме да, кесинге ашхылыкъны тиле.
- Ач къарынны, токъ билмез
- Джогъун бар этген, барын бал этген.
- Ач уят къоймаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Мухар, кеси тойса да, кёзю тоймаз.
- Билимсиз иш бармаз.
- Мал тутхан – май джалар.
- Ауругъан – джашаудан умутчу.
- Рысхысына кёре, джаш ёсер, къышлыгъына кёре, мал ёсер.
- Аман адамны тепсинге олтуртсанг, къызынгы тилер.
- Башынга джетмегенни сорма.
- Мадар болса, къадар болур.
- Кечеси – аяз, кюню – къыш, джарлы къаргъагъа бир аш тюш!
- Байдан умут эте, джарлыдан ёгюз багъасы къорады.
- Аууздан келген, къолдан келсе, ким да патчах болур эди.
- Тилчи бир сагъатха айлыкъ хата этер.
- Джукъу тёшек сайламайды.
- Чомарт джарлы болмаз.
- Иги адам абынса да, джангылмаз.
- Чыкълы кюнде чыкъмагъан, чыкъса къуру кирмеген.
- Тойчу джашха къарама, къойчу джашха къара.
- Кёзю сокъурдан – къоркъма, кёлю сокъурдан – къоркъ.
- Окъдан джара эртде-кеч болса да бителир, сёз джара, ёмюрге къалыр.
- Кёрмегеннге кебек – танг, битмегеннге сакъал – танг.
- Ач да бол, токъ да бол – намысынга бек бол.
- Уллу суу бла уллу ауруудан башынгы сакъла.
- Юйюнг бла джау болгъандан эсе, элинг бла джау бол.
- Юре билмеген ит, къонакъ келтирир.
- Арпа, будай – ащды, алтын, кюмюш а – ташды.
- Aдам боллукъ, сыфатындан белгили.
- Чакъырылмагъан къонакъ – орунсуз.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)