- Битмегеннге сакъал – танг.
- Босагъагъа джууукъ орун болса, ашыгъыб тёрге озма.
- Байлыкъдан саулукъ ашхыды.
- Байлыкъ келсе, акъыл кетер.
- Къартны сыйын кёрмеген, къартлыгъында сыйлы болмаз.
- Ичимден чыкъды хата, къайры барайым сата?
- Ашатыргъа иш – ашхы, ишлетирге аш – ашхы.
- Тил бла келеди джыр да.
- Тешигини къатында, чычхан да батыр болур.
- Джаным-тиним – окъуу, билим.
- Джылыгъа джылан илешир.
- Нарт сёз – тилни бети.
- Ач да бол, токъ да бол – намысынга бек бол.
- Джюрекден джюрекге джол барды.
- Тойгъа барсанг, тоюб бар, эски тонунгу къоюб бар.
- Чабакъ башындан чирийди.
- Онгсузну – джакъла, тенгликни – сакъла.
- Окъдан джара эртде-кеч болса да бителир, сёз джара, ёмюрге къалыр.
- Тик ёргени, тик энгишгеси да болады.
- Ойнай билмеген, уруб къачар.
- Байдан умут эте, джарлыдан ёгюз багъасы къорады.
- Адеб джокъда, намыс джокъ.
- Бек анасы джыламаз.
- Хазыр ашха – терен къашыкъ.
- Бетинги сатма, малынгы сат.
- Эл бла кёргенинг эрелей.
- Байны къызы баймакъ болса да, юйде къалмаз!
- Адам къыйынлыгъын кёлтюрюр, зауукълугъун кёлтюрмез.
- Кюл тюбюндеги от кёрюнмейди.
- Мураты болгъанны джюрек тебюую башхады.
- Ауругъан – джашаудан умутчу.
- Эшекге миннген – биринчи айыб, андан джыгъылгъан – экинчи айыб.
- Таукел къуру къалмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ана – юйню кюн джарыгъы.
- Тили узунну, намысы – къысха.
- Ариу сёз джыланны орнундан чыгъарыр.
- Тенгни тенглиги джашай барсанг билинир.
- Чёбню кёлтюрсенг, тюбюнден сёз чыгъар.
- Уллу къашыкъ эрин джыртар.
- Джан саулукъ бермей, сан саулукъ бермезсе.
- Тойгъанлыкъ къойгъа джарашады.
- Тюкюрюк баш джармаз, налат кёз чыгъармаз!
- Берекет берсин деген джерде, берекет болур.
- Ёлген ийнек сютлю болур.
- Билими азны – ауузунда кирит.
- Тюз сёз баргъан сууну тыяр.
- Джумушакъ сёз къаты таякъны сындырыр.
- Сабийни джумушха джибер да, ызындан бар.
- Аурууну келиую тынч, кетиую – къыйын.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)