- Билим – акъылны чырагъы.
- Ёгюзню мюйюзлери ауурлукъ этмейдиле.
- Эрни эр этерик да, къара джер этерик да, тиширыуду.
- Кёпюр салгъан кеси ётер, уру къазгъан кеси кетер.
- Чомарт къолда мал къалмаз.
- Къулакъдан эсе, кёзге ышан.
- Чомарт джарлы болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Джарлыны тону джаз битер.
- Билгенни къолу къарны джандырыр.
- Хантына кёре тузу, юйюне кёре къызы.
- Ашыкъгъанны этеги бутуна чырмалыр.
- Азыгъы аз, алгъа къабар, аты аман, алгъа чабар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны аманы адамны бети бла ойнар.
- Бёрю да ач къалмасын, эчки да ашалмасын.
- Иги адам абынса да, джангылмаз.
- Тиширыусуз юй – отсуз от джагъа.
- Джангыз торгъай джырламаз.
- Орну джокъну – сыйы джокъ.
- Оюмсуз атлагъан, аджалсыз ёлюр.
- Къарнынг бла ёч алма.
- Къазанчы аман болса, къазаны къайнамаз.
- Аурууну келиую тынч, кетиую – къыйын.
- Аякъларынгы джууургъанынга кёре узат.
- Къарт бла баш аша, джаш бла аякъ аша.
- Агъач – джерни чырайы, кийим – эрни чырайы.
- Бет бетге къараса, бет да джерге къарар.
- Ач бёрюге мекям джокъ.
- Бир онгсуз адам адет чыгъарды, деб эштирик тюлсе.
- Адам сёзюнден белгили.
- Ишленмеклик адамлыкъды.
- Иги джашны ышаны – аз сёлешиб, кёб тынгылар.
- Юйюнгден чыкъдынг – кюнюнгден чыкъдынг.
- Башланнган иш битер, къымылдагъан тиш тюшер.
- Джашны джигитлиги сорулур, къызны джигерлиги сорулур.
- Ёксюзню тилеги къабыл болур.
- Мураты болгъанны джюрек тебюую башхады.
- Айранны сюйген, ийнек тутар.
- Къолу уллу – асыу, аягъы уллу – джарсыу.
- Этни да ашады, бетни да ашады.
- Киштикге къанат битсе, чыпчыкъ къалмаз эди.
- Намысы болмагъанны, сыйы болмаз.
- Баргъанынга кёре болур келгенинг.
- Мухар, кеси тойса да, кёзю тоймаз.
- Суугъа – таянма, джаугъа – ийнанма.
- Сагъышы джокъ – джукъучу, акъылы джокъ – къаугъачы.
- Намысы джокъну – дуниясы джокъ.
- Джангызны оту джарыкъ джанмаз!
- Артына баргъанны, къатына барма.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)