- Ким бла джюрюсенг, аны кёзю бла кёрюнюрсе.
- Тамчы таш тешер.
- Джарлыны тону джаз битер.
- Джылыгъа джылан илешир.
- Иги сёз – джаннга азыкъ, аман сёз башха – къазыкъ.
- Кёл – къызбай, къол – батыр.
- Чакъырылгъанны аты, чакъырылмагъанны багъасы болур.
- Билим насыб берир, билим джолну керир.
- Тёрде – темир таякълы, къаяда – чыпчыкъ аякълы.
- Аман киши кеси юйюнде – къонакъ.
- Ёзденликни джайгъан – джокълукъ.
- Окъугъан озар, окъумагъан тозар.
- Экеу тутушса, биреу джыгъылыр.
- Этни бети бла шорпасы.
- Айныгъанлы алты кюн, тогъайгъанлы тогъуз кюн.
- Биреуге аманлыкъ этиб, кесинге игилик табмазса.
- Элни кючю – эмеген.
- Босагъа таш юйге кирмей эди, тыбыр таш эшикге чыкъмай эди.
- Джюрекден джюрекге джол барды.
- Этек чакъмакълары баш джаргъан, сёлешген сёзлери таш джаргъан.
- Аууз сакълагъан – джан сакълар.
- Аджашхан тёгерек айланыр.
- Джюрекге ариу – кёзге да ариу.
- Адамны джюреги нени кёрюрге сюйсе, кёзю да аны кёрюрге ёч болады.
- Дуния аламаты сен эсенг да, игиме деб айтма.
- Тюзню ётмеги тюзде къалса да, тас болмаз.
- Тёзгеннге, джабылгъан эшик ачылыр.
- Хар адамгъа кеси миннген тау кибик.
- Ауругъан – джашаудан умутчу.
- Айырылмаз джууугъунга, унутмаз сёзню айтма.
- Къарнынг къанлынга кийирир.
- Мал тутхан – май джалар.
- Тамбла алтындан бюгюн багъыр ашхы.
- Джюрек кёзден алгъа кёрюр.
- Адеби болмагъан къыз – тузсуз хант.
- Рысхы – насыбха къор.
- Ётген ёмюр – акъгъан суу.
- Къызбайны юйюне дери сюрсенг, батыр болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бек ашыкъгъан меннге джетсин, дегенди аракъы.
- Ишни ахырын ойламай, аллын башлама.
- Сыфатында болмагъаны, суратында болмаз.
- От кюйдюрген, сау болса да, тот кюйдюрген, сау болмаз.
- Аман къатын алгъан, арыр, иги къатын алгъан джарыр.
- Къонакъны къачан кетерин сорма, къачан келлигин сор.
- Хар ишни да аллы къыйынды.
- Онгсузну – джакъла, тенгликни – сакъла.
- Арба аугъандан сора, джол кёргюзтюучю кёб болур.
- Бозанг болмагъан джерге, къалагъынгы сукъма.
- Дженгил джетерикме деб, узун джолну къоюб, къысхасын барма.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)