- Чыбыкълыкъда бюгюлмеген, къазыкълыкъда бюгюлмей эди.
- Адебни адебсизден юрен.
- Тыш элде солтан болгъандан эсе, кесинги элде олтан болгъан игиди!
- Джюрекге ариу – кёзге да ариу.
- Эшекге миннген – биринчи айыб, андан джыгъылгъан – экинчи айыб.
- Онгсузну – джакъла, тенгликни – сакъла.
- Джигер – джаннга къыйынлыкъ.
- Иги сёз – джаннга азыкъ, аман сёз башха – къазыкъ.
- Къартны бурнун сюрт да, оноугъа тут.
- Берекет берсин деген джерде, берекет болур.
- Къуллукъчума, деб махтанма, къуллукъ – хаух джамчыды!
- Дуния аламаты сен эсенг да, игиме деб айтма.
- Эки итни арасына сюек атма, эки адамны арасында сёз чыгъарма.
- Хунаны тюбюн къазсанг, юсюнге ауар.
- Адамны бетине къарама, адетине къара.
- Ёнгкюч къууана барыр, джылай келир.
- Бичгенде ашыкъма, тикгенде ашыкъ.
- Таякъ этден ётер, тил сюекден ётер.
- Суугъа – чабакъ, къаягъа – ыргъакъ.
- Къайтырыкъ эшигинги, къаты уруб чыкъма.
- Къарнынг тойгъунчу аша да, белинг талгъынчы ишле.
- Тешигини къатында, чычхан да батыр болур.
- Эр сокъур болсун, къатын тилсиз болсун.
- Къан бла кирген, джан бла чыгъар.
- Сакъалы текени да бар, мыйыгъы киштикни да бар.
- Ёлюр джаннга, ёкюл джокъ.
- Къонакъны къачан кетерин сорма, къачан келлигин сор.
- Чабакъ башындан чирийди.
- Джумушакъ терекни къурт ашар.
- Кёпюр салгъан кеси ётер, уру къазгъан кеси кетер.
- Мухарны эси – ашарыкъда.
- Хар ишни да аллы къыйынды.
- Билеги кючлю, бирни джыгъар, билими кючлю, мингни джыгъар.
- Мен да «сен», дейме, сен да «кесим», дейсе.
- Сабыр джетер муратха, сабырсыз къалыр уятха.
- Оюмсуз атлагъан, аджалсыз ёлюр.
- Джарлыны эшигин махтагъан джабар.
- Къонакъ болсанг, ийнакъ бол.
- Окъумагъан сокъурду, сокъур ташха абыныр!
- Биреуню эскиси биреуге джангы болмайды.
- Джыйырма къойну юч джыйырма эбзе кюте эди.
- Ариуну – ауруу кёб.
- Джылкъыдан – ат чыгъар, тукъумдан – джаш чыгъар.
- Эл ауузу – элия.
- Тели турса – той бузар.
- Джол бла сёзню къыйыры джокъ.
- Эли джокъну – кёлю джокъ.
- Эл ауузу – элек, анга ийнаннган – халек.
- Тик ёргени, тик энгишгеси да болады.
- Джауумдан сора, кюн кюйдюрюр, ётюрюкден сора, айыб кюйдюрюр.
Ана тилде ушакъ: Къарачай-Малкъар тил бла литератураны бюгюнгю болуму
30.01.2009 02:26:22
Къарачай-малкъар тилни бюгюнгю болумуну юсюнден ушакъ бардырлыкъбыз.
Аламат. Къалайды декен болуму? Соруула хазырлайбыз сора? |
|
|
|
30.01.2009 15:15:01
Девушка Гор
Къарачай-малкъар тилни бюгюнгю болумуну юсюнден ушакъ Аперимлик! Мени жарсытхан, бек магъаналы сорууладан бирин кетюргенсиз Ушакъгъа къатышыргъа хазырбыз |
|
|
|
30.01.2009 15:24:08
Девушка Гор
аламат иш, машаАллах а сорууланы къачан соруб тебрерге джарарыкъды? |
|
|
|
30.01.2009 15:39:59
Рамла
а сорууланы къачан соруб тебрерге джарарыкъды? Бусагъатда огъуна берирге да боллукъду |
|
|
|
30.01.2009 16:10:19
Рамла
бек иги соруула бердинг, энди алагъа толу джууабла табсакъ, аламат иш боллукъ эди |
|
|
|
30.01.2009 16:11:27
sama
Иги соруу, джууабын сакъла. |
|
|
|
30.01.2009 18:35:45
сау болугъуз, сорууларыгъызгъа джууабланы кечирекчик билдирирбиз
|
|
|
|
30.01.2009 23:05:17
Diasporada caşagan karaçaylılanı ana tillerin unutmazga deb bir onouguz bollukmudu?
|
|
|
|
Читают тему (гостей: 1)